Регион
Преговорите за продолжување на помошта на Грција сеуште без резултат

Техничките преговори помеѓу грчката влада и кредиторите околу реформите кои Грција треба да ги спроведе во замена за продолжување на финансиската помош се уште не дадоа резултати и сега како можен рок се споменува следната недела или, пак, крајот на овој месец.
Грчкиот министер за економија Јорго Статакис изјави во средата во Атина дека преговорите ќе вродат со плод следната недела.
Од друга страна, претседателот на Европскиот совет Доналд Туск се надева дека договорот „може да се постигне до крајот на месецот“.
Од минатиот петок до понеделеникот вечерта во Брисел се водеа преговори помеѓу грчката влада и експертите на Европската комисија, Европската централна банка и Меѓународниот монетарен фонд, а Атина се надеваше дека договорот за реформските мерки може да се постигне во текот на неделата.
Во преговорите е постигнат одреден напредок, но недоволен тоа прашање да се најде пред министрите за финансии на еврозоната кои треба да ослучат за продолжување на помошта.
Грција мора на своите кредитори да им достави список со реформски мерки за да може да смета на дел од преостанатата транша на помош од сегашната програма на финансиска помош во износ од 7,2 милијарди евра.
Доколку наскоро не добие финансиска помош, на Грција и се заканува банкрот.
Во овој месец Грција мора да врати 820 милиони евра и да издаде 2,4 милијарди евра трезорски записи за да може да функционира државата. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ и Путин ќе се сретнат во Кина

За време на посетата на Кина, претседателот на Руската Федерација, Владимир Путин, ќе се сретне со претседателот на Србија, Александар Вучиќ, изјави за медиумите помошникот на рускиот претседател, Јуриј Ушаков.
Путин ќе биде во Кина од 31 август до 3 септември, а ќе присуствува и на церемониите по повод 80-годишнината од крајот на Втората светска војна, како и на неколку билатерални средби.
Регион
Уапсена е мајката која го оставила бебето во Белград: било заврзано во кеса

По наредба на Вишото јавно обвинителство во Белград, полицијата ја уапси А.С. (2006), мајка за која постои сомнение дека го оставила своето седумдневно бебе покрај контејнер во Земун, пренесува „Блиц“.
Жената според медиумот е обвинета за обид за тешко убиство.
Бебето го пронашол случаен минувач околу 8:20 часот утрово. Било завиткано во крпи и врзано во кеса.
Според Маја Миладиновиќ, жената што го пронашла бебето, новороденчето тивко плачело, дека нејзиниот крик звучел како „мјаукање“.
– Го шетав кучето како секое утро по улицата Дунавска во Земун кога забележав дека нешто се движи зад контејнерот. Мислев дека лази, но кога се приближив видов дека е бебе. Бебето едвај дишеше и беше сино – вели таа.
Според неа, бебето било завиткано во пешкир.
Како што објави „Блиц“, детето било оставено зад контејнерот, меѓу грмушки и на куп ѓубре.
Екипата за итни случаи го транспортирала бебето во породилиштето во Земун, пишува Танјуг.
Фото: принтскрин
Регион
Министерството за внатрешни работи на Србија: Дачиќ примил плик со три куршуми во него

Српското Министерство за внатрешни работи соопшти дека вчера во зградата на владата на Република Србија е пронајден плик адресиран до вицепремиерот и министер за внатрешни работи, Ивица Дачиќ, во кој имало три куршуми.
Сомнителната пратка е откриена вчера за време на безбедносна проверка на рендгенски уред при сортирање пошта. Истрагата утврдила дека пликот бил предаден два дена претходно во филијалата на поштата на Србија во Пожаревац.
Полицијата го идентификувала и го пронашла лицето што го доставило пакетот, а истрагата за сите околности на настанот е во тек.
Министерството соопшти дека ги презема сите законски пропишани мерки и дејства со цел да се заштити безбедноста на граѓаните и на институциите.
Фото: принтскрин