Регион
Бушати: Албанија сака да ја затвори приказната со дронот и натпреварот
Албанија се надева дека следната седмица на средбата со Србија ќе биде повлечена линија под кавгата околу своите фудбалски репрезентации, и со тоа ќе се придонесе за враќањето на кревките балкански односи на вистинскиот пат, изјави во понеделникот шефот на албанската дипломатија Дитмир Бушати.
Во разговорот за агенцијата за Reuters, албанскиот министер за надворешни работи Дитмир Бушати вели дека неговата земја е подготвена да влезе во Европската унија по десет години, но изрази истовремено и загриженост поради противењето на проширувањето кое доаѓа од некои челници на ЕУ.Бушати, исто така, рече дека Албанија е подготвена да ѝ помогне на коалицијата којашто под водство на САД војува против Исламската држава, но притоа не дава поединости како неговата земја би се вклучила во оваа борба против џихадистите кои предизвикуваат сѐ поголема загриженоста во светот, имајќи ги предвид информациите во медиумите дека регрутирање на Албанци од татковината и од регионот да се борат во редовите на радикалните исламистички групи во Сирија и во Ирак се врши и во Албанија.Во врска со фудбалскиот натпревар кој селекциите на Србија и Албанија ја играа на 14-ти октомври во Белград а беше прекинат откако стадионот на Партизан го надлета летало со далечинско наведување коешто носеше знаме со картата на Голема Албанија, по што изби инцидент, а Тирана и Белград разменуваа тешки обвинувања и во некои српски градови беа нападнати дуќани во сопственост на Албаници, Reuters заклучува дека тој инцидент покажува дека националната нетрпеливост во регионот сѐ уште тлее.„Случувањата пред, за време и по тој натпревар беа многу непријатни и ги осудивме провокациите и насилството“, вели Бушати кој престојува во Лондон.„Но верувам дека е важно да се гледа во иднината и да се отвори нови поглавје на односите меѓу Албанија и Србија, а мислам дека тоа е клучно и за демократската стабилност на регионот и неговото напредување кон Европската унија“, додава шефот на албанската дипломатија.По одложувањето предизвикано од прекинатиот фудбалски меч, албанскиот премиер Еди Рама на 10-ти ноември ќе биде гостин на српскиот колега Александар Вучиќ, а тоа ќе биде прва посета на висока албански политички претставник на Белград по 68 години./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Избрана е новата Влада на Србија
Собранието на Србија со 152 гласа ја изгласа новата Влада на премиерот Милош Вучевиќ. Два дена траеше расправата за составот на Владата и нејзиниот план за работа, при што опозицијата го оспори кредибилитетот на Вучевиќ, посочувајќи дека, како и досега, за секоја одлука ќе биде прашан претседателот на државата Александар Вучиќ.
Новата Влада на Србија брои 31 член, од кои една третина се нови имиња во споредба со претходната Влада на чело со Ана Брнабиќ.
Премиерот Вучевиќ претходно изјави дека длабоко верува во историскиот договор меѓу Србите и Бошњаците и рече дека сака добри односи и со Хрватите. Истовремено, тој рече дека нема да ги гради овие односи на штета на сопствените интереси и дека Србија нема да се откаже од традиционалните пријатели.
Посебно внимание предизвикаа двајцата министри кои се под санкции на САД: Александар Вулин ќе биде вицепремиер, а Ненад Поповиќ ќе биде министер без ресор.
Регион
Договорен текстoт на резолуцијата за Сребреница
Предлогот за резолуција за комеморација на геноцид врз Бошњаците од Сребреница, извршен во јули 1995 година, е договорен, а за него треба да се расправа на седницата на Генералното собрание на Обединетите нации, потврди амбасадорот на БиХ во ОН, Златко Лагумџија.
Лагумџија на социјалната мрежа „Икс“ објави дека процесот на усогласување на резолуцијата, чии формални предлагачи се Германија и Руанда, е завршен и испратен до претседателот на Генералното собрание на ОН, Денис Френсис, па нејзиниот текст ќе биде претставен до земјите членки. на светската организација, од која се очекува поддршка.
Резолуцијата повикува да се воспостави 11 јули како меѓународен ден на сеќавање на жртвите на геноцидот во Сребреница, уште еднаш се осудуваат сите дејствија со кои се величат сторителите на воени злосторства, злосторства против човештвото и геноцид утврдени со пресудите на меѓународните судови. Ја нагласува важноста од завршување на потрагата по останките на преостанатите жртви кои досега не се пронајдени и повикува на продолжување на гонењето на сторителите на геноцидот кои се уште се на слобода.
Резолуцијата има намера да ги повика сите држави целосно да ги почитуваат своите обврски од Конвенцијата за спречување и казнување на злосторството геноцид, да го почитуваат меѓународното обичајно право за спречување и казнување на геноцид и да ги почитуваат релевантните одлуки на Меѓународниот суд на Правдата (МСП).
Од генералниот секретар на ОН се бара да воспостави информативна програма наречена „Геноцид во Сребреница и Обединетите нации“, која треба да се спроведе пред следната година, кога се одбележува 30-годишнината од тоа злосторство.
Сите земји-членки на ОН, како и невладините организации и граѓанското општество, предлагачи на резолуцијата истовремено повикуваат на соодветни активности за комеморација и чест на жртвите на геноцидот во Сребреница во 1995 година.
Македонија е коспонзор на оваа резолуција.
Српскиот претседател Александар Вучиќ и лидерот на босанските Срби Милорад Додик инсистираат дека оваа резолуција е обид да се наметне колективна вина врз српскиот народ.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.