Свет
Дубаи ќе гради најголем шопинг центар на светот
Властите во Дубаи објавија дека планираат да изградат најголем шопинг центар на светот, вистински град кој ќе биде поврзан преку трговски улици за да се избегне горештината.
„Трговскиот центар на светот“ (Mall of the world) ќе биде распространет на 743.000 квадратни метри и ќе биде поврзан со улици на кои ќе се контролира температурата, објави владата во Дубаи.
Комплексот ќе содржи и најголем покриен луна парк на светот, како и културен кварт со театри, а ќе биде поврзан со стотина хотели и апартмани.
Не е наведено кога ќе започнат работите на комплексот, кои ќе ги води Дубаи холдинг, компанија во сопстветност на суверенот на Дубаи, шеик Мохамед бен Рашед Ал Мактум.
„Имаме поголеми амбиции од тоа да имаме само сезонски туризам. Сакаме Емиратите да постанат туристичка дестинација преку целата година“, појасни шеикот.
Дубаи веќе има еден од најголемите трговски центри на светот и се наметна како регионален туристички центар искористувајќи ги потресите во арапскиот свет.
Дубаи се надцва дека огромниот проект ќе привлече милиони посетители годишно.
Поради должничката криза во 2009 година, емиратот се откажа од повеќе проекти, но успеа да го реструктуира долгот и да започне повторно да остварува економски раст. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Градоначалникот на Чилпасинго убиен шест дена по преземањето на функцијата во Мексико
Алехандро Аркос, градоначалникот на Чилпансинго, главниот град на мексиканската држава Гереро, е убиен во неделата, помалку од една недела по преземањето на функцијата, потврди гувернерот на државата.
Аркос е убиен само шест дена откако станал градоначалник на Чилпанцинго во југозападно Мексико, град со околу 280.000 жители, пренесува Ројтерс.
„Поради неговото убиство, целата заедница на државата Гереро тагува и не исполнува со гнев“, рече гувернерката на таа држава Евелин Салгадо во изјавата споделена на социјалните мрежи.
Свет
Западноафриканските земји најавуваат подобра жетва, но какаото и чоколадото нема да поевтинат
Клучните производители на какао во Западна Африка, Гана и Брегот на Слоновата Коска најавуваат дека бербата на плодовите од какаото ќе биде поуспешна од претходните сезони, но дека е извесно дека тоа нема да ја намали цената на чоколадото на светските берзи.
Временските услови се подобри, а локалните производители добија пестициди за контрола на какао болестите и очекуваат приносите да бидат значително повисоки од минатата година, пренесува Блумберг.
Бербата започнува веќе во октомври.
Свет
Тони Блер: Бомбардирањето на НАТО беше правилно, стојам со народот на Косово
Поранешниот премиер на Велика Британија, Тони Блер, во Приштина истакна дека „интервенцијата на НАТО пред 25 години била вистинската работа“ и дека „застанува со граѓаните на Косово“.
„Да се биде овде, буди длабоки емоции. Му честитам на народот на Косово за храброста и непоколебливата решителност да ја искористат за ослободување на земјата. Тогаш се уверив дека тоа е вистинската работа и денеска стојам со народот на Косово со убедување“, рече Блер на заедничката конференција со претседатката на Косово, Вјоса Османи.
Блер додаде дека очекува Косово во иднина да стане дел од Европската Унија.
„Овде се случуваат многу позитивни работи, кои се добри за целиот свет. Едвај го чекам денот кога Косово ќе го заземе своето место во европското семејство“, изјави Блер.