Регион
Јосиповиќ: Членството на Хрватска во ЕУ донесе можности за напредок
Со влегувањето на Хрватска во Европската унија (ЕУ), не беше реално веднаш да се очекува остварување на „чекор од седум милји“, но беа отворени можности за напредок и во првата година од членството беше потврдено дека тој напредок зависи од самата земја, изјавил во вторникот хрватскиот претседател Иво Јосиповиќ, пренесува Танјуг.
Хрватскиот претседател смета дека земјата, начелно е добро позиционирана во ЕУ и дека во политички контекст, таа заземала место кое што е соодветно на нејзините можности.
Говорејќи за односите со Србија, Јосиповиќ оценил дека двете земји успеале да најдат доволно сила и разум за да ги постават билатералните односи во еден рационален контекст.
„Сметам дека околу тешките работи не треба да се молчи и мислам дека вистината е важна. Но разговорот за тешките работи не треба да биде препрека за дијалог и развој на односите“, изјавил хрватскиот претседател.
Тој сепак укажал дека во овие односи меѓу двете земји постои „технички вакум“, бидејќи билатералните комисии кои работат на случаите со исчезнатите лица, граничните проблеми, и другите важни и чувствителни теми, многу ретко или пак воопшто не се состануваат./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Состојбата на словачкиот премиер Фицо се подобрува
Лекарскиот тим, што се грижи за словачкиот премиер Роберт Фицо, по минатонеделниот атентат денеска потврди дека неговата состојба е субјективно подобрена, соопшти прес-службата на словачката Влада.
Фицо се лекува во болницата „Рузвелт“ во Банска Бистрица.
Тој беше застрелан минатата среда од 71-годишниот писател Јурај Цинтула, кој веднаш беше приведен од полицијата.
Регион
Лоцирани се остатоците од авионот што се урна во близина на Загреб
Лоцирани се остатоците од авионот што се урна попладнево во близина на Загреб. Неофицијално се дознава дека три лица преживеале, додека едно лице починало, јавува 24сата.
„Денеска во 15 часот и 51 минути е добиена дојава за пад на мал спортски авион во шумата јужно од Керестинац. Полициски службеници излегоа на терен, се укажува помош на повредените, местото на настанот е обезбедено“, соопштија од полицијата.
Авион од типот „Цесна“ кој се користел за скокови со падобран, се урна попладнево во близина на Загреб. Според неофицијални информации, во него имало четворица членови на екипажот.
Најверојатно се работи за спортски, тренинг или туристички авион кој се урнал во недалеку од пистата во загрепската населба Јеждовец.
Регион
Авион се урна во близина на Загреб
Авион со четворица членови на екипажот се урна попладнево во близина на Загреб, пренесуваат дел од регионалните медиуми. Најверојатно се работи за спортски, тренинг или туристички авион кој се урнал во Јеждовац.
Лансирани се дронови кои се обидуваат да го лоцираат авионот и да стигнат до местото на несреќата.
Таму се упатени возила на брзата помош, како и екипи на противпожарната единица.