Регион
Антисламски графити и плакати во Словенија
Во словенечкиот град Јесенице во средата на повеќе места се забележани графити со антиисламска содржина, што беше остро осудено од тамошниот градоначалник кој предупреди на неопходноста од соживот во градот.
„Јесенице е мултиетнички град со голем процент муслимани, затоа сме огорчени од овој чин и остро го осудуваме“, изјави градоначалникот Томаж Менцингер, додавајќи дека наредил бришење на графитите, веднаш откако за нивното појавување бил известен од граѓаните, но и оти смета дека станува збор за поединечен испад кој нема да влијае врз односите во градот.
Во Јесенице меѓу 17 и 20 отсто од населението се муслимани, главно Бошњаци од БиХ кои се доселиле во периодот меѓу 70-те и 80-те години во минатиот век во периодот на поранешна СФРЈ, вработувајќи се во тамошната железарница и другите индустриски погони, како и нивни потомци кои останаа да живеат во Словенија. Муслиманската врска заедница во градот дејствува веќе 30 години главно во мирен соживот со другите, и покрај тоа што оваа есен веќе се појавија написи во медиумите дека зајакнува радикалната селафитската заедница меѓу тамошните муслимани.
Се верува дека сегашните антиисламски графити во Јесенице се појавиле како реакција на исламистичките терористички напади во Париз од минатата седмица.
Сличен инцидент е регистриран претходните денови и во словенечката престолнина Љубљана. На неколку локали во љубљанската населба Вич биле излепени отпечатени плакати со антимуслиманска содржина. Плакатите со натпис „Еврооарабија – не, благодарам!“, со келтски крст кои се смета за неонацистички симбол предупредуваат на загрозеноста на Европа од исламизацијата и муслиманите воопшто./крај/мф/сн
Извор: STA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес од 4,1 степени утрово во Србија
Утрово во 07:42 часот земјотрес со јачина од 4,1 степени според Рихтеровата скала е регистриран во регионот на Кладово, соопшти Републичкиот сеизмолошки завод.
Земјотресите со ваков интензитет можат да предизвикаат помали оштетувања на зградите во епицентралното подрачје, јавуваат српските медиуми.
Засега нема извештаи за евентуална штета.
Регион
Обвинителството бара продолжување на притворот на осомничените за убиството на двегодишната Данка
Вишото јавно обвинителство во Заечар му предложило на судот продолжување на притворот на Срѓан Ј. и Дејан Д., осомничени за убиството на двегодишното девојче Данка Илиќ за уште 30 дена.
Осомничените се во притвор од 6 април поради ризик од бегство, можност за влијание врз сведоци и уништување или отстранување на трагите на делото, како и вознемирување на јавноста.
Во притвор е и таткото на Дејан Д. под сомнение дека му помогнал на синот да го премести телото на девојчето.
Полицијата по 10-дневна потрага и детална проверка на сите трагови и информации, ги уапси С.Ј и Д.Д. за кои се сомнева дека девојчето го удриле со автомобил а пото нејзиното тело го ставиле во багажникот на колата и го однеле на депонија.
Телото на девојчето кое исчезна на 26 март во Бањско Поље кај Бор се уште не е пронајдено.
Регион
Црна Гора воведува седумчасовно работно време
Министерката за труд и социјална грижа на Црна Гора, Наида Нишиќ, најави дека до крајот на годинава граѓаните можат да очекуваат воведување седумчасовно работно време.
-Она што го најави премиерот Милојко Спајиќ во предизборната кампања ќе се случи во текот на оваа година, рече Нишиќ во емисијата „Линк” на Радио Црна Гора.
Таа додаде дека социјалните давачки во иднина ќе бидат поправични.