Регион
Полицијата во Истанбул со гумени куршуми растури собир на жени
Полицијата на турскиот мегалополис Истанбул употребила гумени куршуми за растурање на собирот на неколку стотици жени кои се собраа во центарот на градот по повод претстојниот Меѓународен ден на жената, пренесуваа во неделата агенциите.
Неколку стотици жени, скандирајќи пароли, излегле во неделата на плоштад во центарот на Истанбул со виолетови плакати, кои ги симболизираат движењата за правата на жените. Демонстрантките сакале да го свртат вниманието на јавноста на положбата на жената во турското општество.
Истовремено и во турската престолнина Анкара по истиот повод на протести излегле неколку десетици жени.
Една демонстрантка, според непотврдени информации, наводно е уапсена во Истанбул, каде што акцијата претходно беше забранета од тамошниот гувернер. Според него забраната се однесува на безбедносни причини, односно можен терористички напад, но според организаторите таа го покажува „очајот“ на владата.
„Секогаш покажуваме дека ќе бидеме на улиците по повод осмомартовските демонстрации и секогаш и никогаш нема да се повлечеме. Ниту полицијата, ниту владата не можат да не спречат“, изјавила еден од организаторките на неделниот марш за Reuters.
Организациите за женски права во Турција се борат за родова еднаквост. Земјата беше рангирана на 125-то од 140 земји според индексот на јазот меѓу половите за 2014 година. Само 28 отсто од жените во Турција се вклучени во работната сила, во споредба со просекот од 63 отсто во Европската унија.
Покрај тоа, во извештајот за семејното насилство во 2014 година во Турција, се наведува и дека 40 отсто од турските жени биле физички малтретирани, барем еднаш во животот.
Активистките за женските права се особено гневни по изјавата на исламско конзервативниот претседателот Реџеп Тајип Ердоган кога кажа дека мажите и жени не се еднакви, а неговиот сопартиец министерот за здравство Мехмет Муезиноглу препорача дека најдобрата професија за жените е мајчинството./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.
Регион
Земјотрес од 4,3 степени утрово во Србија
Утрово земјотрес со јачина од 4,3 степени според Рихтеровата скала е регистриран во регионот на Кладово, соопшти Републичкиот сеизмолошки завод.
Земјотресите со ваков интензитет можат да предизвикаат помали оштетувања на зградите во епицентралното подрачје, јавуваат српските медиуми.
Засега нема извештаи за евентуална штета.