Полска во вторникот објави дека во ќе ја ангажира војската потрагата по мистериозниот нацистички воз кој наводно превезувал драгоцености, наводно сокриен во некој од тајните подземни тунели на Валбржих, во југозападниот дел од земјата.

„Министерот одлучи да испрати воена техника на теренот поради потрагата и проверката на стварното постоење на возот. Стручњаците на воената инженерија ќе одлучат следните денови која воена техника ќе ја користат“, изјави портпаролот на полското министерство за одбрана Јацек Сонта, додавајќи дека „Војската ќе интервенира на барање на регионалните власти“.Гувернерот на покраината Долна Шлезија, Томаж Смоларж, е многу сомничав дека овој легендарен воз воопшто постоел, а кој повеќе од еден месец го окупира вниманието на јавноста во Полска, но и во странство. „Врз основа на документите кои на градоначалникот на Валбржих му ги предале трагачите по богатства, не е можно да се утврди дали такво нешто навистина се наоѓа на споменатото место“, додаде. Полските власти ја покренаа потрагата по возот откако 19-ти август Германец и Полјак преку својот адвокатот известија дека го пронашле во југозападниот округ Валбжих, како и дека очекуваат 10 отсто од вредноста на пронајденото како награда.Фотографиите направени со помош на радарска опрема покажале дека железничката композиција долга повеќе од сто метри, што е првата официјална потврда за неговото постоење, изјави минатиот петок заменикот на полскиот министер за култура Пјотр Жуховски.Возот бил блиндиран, што значи дека превезувал специјален товар, „веројатно воена опрема, но можно е и накит, уметнички дела и архивски документи“, додаде Жуховски во изјавата за медиумите во Варшава. „Јас сум повеќе од 99 отсто сигурен дека таквиот воз постоел“, иако експертите ќе бидат сигурни дури откако ќе успеат да дојдат до него.Според полските медиуми „златниот воз“ или како го нарекуваат нацистичкиот блиндиран воз долг 150 метри кој носел благородни метали, можеби и злато, заминувајќи од тврдината Бреслау (сегашниот град Вроцлав) во Валбжих, композицијата мистериозно исчезнала во 1945 година недалеку од полската граница со Германија. Историчарите и трагачите по загубените богатства повеќепати ги изнесуваа претпоставките дека возот можеби бил сокриен од советската авијација во еден од тунелите кои ги прокопале нацистите во планините на Долна Шлезија за заштита од бомбардирањата, додека настапувала Црвената армија.Со децении кружат приказни дека нацистичкиот воз бил полн со оружје и украдени драгоцености, а Жуховски изјави дека тие приказни потекнуваат од едем маж кој рекол дека помогнал во криењето на возот. „На смртната постела тоа лице го кажало тоа и направило скица каде би можел да биде сокриен возот“, изјави без да навлегува во детали.Стручњаците сега работата на тоа како да дојдат до возот. Министерството за култура на Полска претходно во четвртокот предупреди дека на таа локација би можело да има поставено експлозиви и апелираше трагачите по загубени богатства да не се упатуваат кон локацијата.Локалните медиуми објавија дека возот исчезнат во 1945 година превезувал вредни предмети искрадени во тогашниот источногермански град Бреслау, денешен Вроцлав кој сега е дел од Полска. Според локалниот фолклор, возот бил полн со скапоцени камења, и останал во тунелот каде што биле заборавен.Доколку во „златниот воз“ бидат откриени некои вредни предмети во неговиот товар, полската страна ќе го предаде на неговите вистински сопственици, објави подоцна во петокот министерството за култура и за национално наследство на Полска. „Доколку се покаже дека во возот има предмети чиешто потекло не предизвикува сомневања, тие ќе бидат вратени“, изјавија од министерството за култура./крај/мф/сн

Извор: Макфакс