Свет
Топ десет најдобри јавни превози во светот
Јавниот превоз е клуч за успешно решение за сообраќајот во поголемите градови. Сајтот Аскмен (AskMen) направи селекција на десетте најдобри јавни превози во светот.
Јавниот превоз е клуч за успешно решение за сообраќајот во поголемите градови. Сајтот Аскмен (AskMen) направи селекција на десетте најдобри јавни превози во светот.
Според сајтот на прво место се наоѓа токиската подземна железница „Метрополитен“ која превезува осум милиони патници дневно а железницата е долга 27.270 километри.
На второто место се најде московското метро долго 293 километри и превезува 7,5 милиони патници во текот на еден ден.
Третата позиција му припадна на метрото во Тајпеј во Тајван кое се смета за едно од најскапите во светот. По него, на четвртото место се наоѓаат шангајското метро во Кина кое беше отворено во 1995 година и „Тјуб“ метрото во Лондон долго 400 километри.
На петтата позиција, според сајтот, е „Метрополитен“ метрото во Сеул, Јужна Кореја. Ова метро е познато по тоа што во него патниците се најдобро третирани. На патниците им се достапни редовни известување на ЛЕД екрани и имаат во метрото безжичен интернет.
Шестото место му припадна на „Метрополитен“ метрото во Франција а системот го користат 4,5 милиони луѓе дневно. Седмото место е обезбедено за метрото во Њујорк.
Потоа, до десетата позиција следат хонконшкото метро МТР, метрото У-Бан во Берлин и тоа во Копенхаген, Данска.
Почесно место на листата доби најиновативниот систем на јавен превоз кој е спроведен во Протланд, Орегон. Системот го чинат автобуси, лесна железница, трамваи и жичарници. Автобусите се познати по нивната точност, а превопзот во централната градска зона е бесплатен./крај/смед/ит
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шолц: Мирот на Балканот не е нешто што се зема здраво за готово
Германија интензивно се залага за прием на земјите од Западен Балкан во Европската Унија бидејќи членството одамна е ветувано, изјави германскиот канцелар Олаф Шолц на средбата со Денис Беќировиќ, член на Претседателството на БиХ, пишува „Дојче веле“.
Германскиот канцелар потоа потсети дека членството во Европската Унија, пред сѐ, зависи од условите што земјата членка мора да ги исполни на патот кон таа цел. Можеби тоа беше мал одговор на сите оние од Западен Балкан што се чувствуваа заобиколени откако на крајот на минатата година им беше отворен патот на преговорите на Украина и Молдавија по скратена постапка. Сега Шолц уште еднаш јасно стави до знаење дека патот е долг, а за некои многу, многу долг.
Тој се осврна и на безбедносната ситуација во регионот и рече дека мирот на Западен Балкан „не е нешто што се зема здраво за готово“.
„Босна и Херцеговина игра важна улога овде и ќе се спротивставиме на секој обид за загрозување на територијалниот интегритет и суверенитет на Босна и Херцеговина“, рече Шолц и нагласи дека затоа Германија ќе истрае да учествува во воените мисии „Еуфор“ и „Алтеа“.
Свет
Популарноста на Америка опаѓа во светот, а на Русија и на Кина расте, покажува истражување
Популарноста на Америка како глобална сила опаѓа ширум светот, особено во земјите со мнозинско муслиманско население, додека на Русија и Кина расте, според Индексот за перцепција на демократијата за 2024 година.
Анализирајќи околу 63.000 испитаници од 53 земји, индексот ги сумира ставовите кон демократијата, геополитиката и играчите на глобалната моќ.
Политико известува дека меѓународната репутација на Америка е нападната од почетокот на 2023 година, особено во муслиманските земји каде што непоколебливата поддршка на Вашингтон за Израел во неговата војна во Газа се покажа како интензивно раздор.
Сега кон трендот се приклучува и Европа, тврди политичкиот магазин.
„За прв пат од почетокот на мандатот на администрацијата на Бајден, многу западноевропски земји се вратија на нето негативната перцепција за САД. Овој пораст и пад, од негативни ставови кон позитивни [и] назад кон негативни ставови, е особено изразен во Германија, Австрија, Ирска, Белгија и Швајцарија“, рече Фредерик ДеВо, постар истражувач за истражувачката компанија Латана, која го состави индексот.
Во меѓувреме, позитивните перцепции за Кина во Азија, Северна Африка, Блискиот Исток и Латинска Америка продолжуваат да растат, доведувајќи ја глобалната перцепција на Пекинг до нето позитивна, и покрај континуираниот европски скептицизам.
Свет
Одложено судењето на Трамп за тајните документи, датум за продолжување не е утврден
Федералниот суд во Флорида го одложи, без да одреди датум за продолжување, почетокот на судскиот процес против поранешниот американски претседател Доналд Трамп поради несовесно постапување со документи класифицирани како тајни.
Тоа е едно од четирите процеси што се водат против Трамп, а требаше да започне на 20 мај, но федералниот суд оцени дека тој рок е неодржлив поради бројните претходни претставки поднесени до судот.
Ајлин Кенон, судијката назначена од поранешниот претседател, не одреди нов датум.
На републиканскиот претседателски кандидат во моментов му се суди во Њујорк за сомнителни исплати пред претседателските избори во 2016 година.
Во судскиот процес против него во Флорида, Трамп е обвинет, заедно со двајца лични секретари, дека однеле доверливи документи во приватна резиденција во Мар-а-Лаго по напуштањето на Белата куќа во јануари 2021 година.
Според обвинението, Трамп со чувањето на овие документи ја загрозил националната безбедност. Меѓу нив имало и воени планови како и информации за нуклеарно оружје, кои во согласност со законот требало да ги врати во Националниот архив.
Тој беше обвинет и за обид за уништување докази. Најсериозните обвиненија може да му донесат затворска казна од десет години.
Неговите адвокати направија се за да се одложи судењето.