Европа
Германските медиуми откриваат нови детали од шпионирањата
Соработници на Федералната разузнавачка служба на Германија (BND) ги следеле своите колеги коишто шпионирале цели по барање на САД, пишува во неделата весникот Bild am Sonntag кој донесува статија и за хакерскиот упад во компјутерите на канцеларката Ангела Меркел во нејзиниот кабинет во Бундестагот.
Според информациите кои ги поседува весникот, наредбата за следењето на германските агенти би издадено од базата Бад-Ајбелинг, каде што тие работел. Bild am Sonntag истакнува дека BND го започнало следењето на своите соработници уште во 2006 година, откако челните луѓе на службата добиле информации дека американската Агенција за национална безбедност (NSA) преку нивни агенти под надзор ги има активностите на германско-француските корпорации EADS и Eurocopter од воено-индустрискиот комплекс.
Според соговорниците на весникот, следењето било вршено без знаење на агентите на BND ангажирани од страна на американското разузнавање. Резултатите од оваа истрага не се обелоденети, но весникот потсетува дека минатото лето беше покрената истрага за најмалку еден припадник на BND кој работел во полза на службите на САД, особено на германската истрага во врска со информациите дека NSA најмалку десет години го прислушувала мобилниот телефон на германската канцеларка Меркел.
Во врска со следењето на Меркел, Bild am Sonntag пишува натаму во неделата и дека истрагата во врска со хакерските напади од мај врз внатрешната компјутерска мрежа на Бундестагот, покажала дека нападнат бил и компјутерот на канцеларката во нејзината канцеларија во парламентот.
Компјутерот на шефицата на германската влада бил еден од првите во коишто е откриена програма, таканаречен „тројански вирус“. Портпаролот на парламентарната група на владејачката коалиција CDU/CSU ниту ја потврдил, ниту ја негирал за весникот оваа информација. Исто така, не сакал да открие дали биле украдени податоци од хард дискот на компјутерот на канцеларката.
Меѓутоа, изворите на весникот рекле дека непознатите хакери од името на Меркел испратиле на пратеници електронски пораки, заразени со вирусот. Во пораките станувало збор за покана да учествуваат на некоја телеконференција. Администрацијата на Бундестагот поради пота ги предупредила парламентарците да не се обидуваат да ги отворат заразените пораки.
Претходно во средата германскиот магазин Der Spiegel цитирајќи неименуван извор во Бундестагот објави дека вирусната програма, којашто пред кон средината на мај ја нападна базата со податоци на германскиот парламент, сé уште е активна, и процените на штетите кои ги предизвикува се искажуваат во милиони евра.
Станува збор кибернетички напад врз парламентарната информативна мрежа Parlakom изведен на почетокот од мај годинава, којашто содржи околу 20 илјади акаунти на политичари, вклучително и на германската канцеларка Ангела Меркел.
Весникот пишуваше дека податоците од мрежата продолжуваат да истекуваат во непознат правец. Експертите сметаат дека можеби ќе биде потребно не само да се замени програмата за безбедноста на мрежата, туку и целата техника во Бундестагот. Според сознанијата на весникот, германските експерти успеале да утврдат која програма била искористена за нападот, како и да дешифрираат дел од кодот.
Структурата на програмата, на ткн „тројан“, пишуваше натаму Spiegel, е слична на програмата којашто во 2014 година била искористена за хакерскиот упад на интернет страницата на германскиот парламент. И при овој напад, исто така, беа осомничени странски разузнавачки структури./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Грузија сака да донесе закон за „странски агенти“, oфицијален претставник на ЕУ: Неприфатливо
Висок функционер на Европската унија денеска ја предупреди грузиската влада дека предложениот закон за „странски агенти“ е неприфатлив и ќе претставува пречка во напорите на земјата да се приклучи кон ЕУ, доколку биде усвоен во сегашната форма.
Грузискиот парламент вчера го усвои законот во второто читање, за кој опозицијата вели дека е инспириран од Кремљ, додека полицијата употреби солзавец и шок-бомби за да ги растера толпата демонстранти.
Владата смета дека законот е неопходен за да се гарантира транспарентно странско финансирање на невладините организации.
Секоја вечер, речиси еден месец, се поголем број демонстранти излегуваат на улиците. Вчера десет илјади демонстранти го блокираа центарот на Тбилиси на најголемиот антивладин митинг организиран досега.
Герт Јан Купман, директор на Управата за проширување на Европската комисија, за новинарите во главниот град на Грузија изјави дека Брисел ја следи ситуацијата и е загрижен за тоа што се случува.
„Гледаме загрижувачки случувања кога станува збор за законодавството. Законот за транспарентност, кој беше усвоен во второ читање, е неприфатлив во сегашната форма и ќе создаде сериозни пречки на патот кон пристапување во ЕУ“, рече Купман.
„Но, има уште време. Во септември ќе излеземе со препораки дали да ги започнеме пристапните преговори со Грузија и да објавиме извештај во октомври и ноември, така што има уште време. Но, сега топката кај владата“, додаде тој.
Грузискиот парламент се очекува да го разгледа законот во третото читање за околу две недели.
Европа
Русија: Не ја гледаме поентата на мировната конференција во Швајцарија
Русија објави дека не ја гледа поентата на конференцијата за прекин на огнот во Украина што Швајцарија ја планира за средината на јуни и на која Москва не беше поканета. Швајцарската влада соопшти дека Русија „во овој момент“ не е меѓу десетиците поканети земји, додавајќи дека е отворена за нејзино учество, но дека Москва не е заинтересирана. Берн го најави собирот во јануари, велејќи дека го организирал на барање на украинскиот претседател Володимир Зеленски.
Портпаролот на Кремљ, Дмитриј Песков, нагласи дека Москва не ја смета за веродостојна иницијатива.
„Не разбираме каква пресвртница би била таа мировна конференција“, им рече тој на новинарите. „За каква конференција зборуваме, за каква сериозна конференција со сериозни очекувања дека ќе има некакви резултати, без учество на Русија?
„Тоа е целосно невозможно и јасно е дека тоа е некаква иницијатива која не е фокусирана на резултати“, заклучи тој.
Швајцарската влада соопшти дека „мировниот процес не е можен без Русија. Украина, од друга страна, ги доведува во прашање придобивките од руското учество на состанокот што ќе се одржи во близина на градот Луцерн.
„Знаеме дека нема смисла да ја имаме Русија на маса ако не можете да се осигурате дека таа ќе дејствува со добра волја“, рече шефот на украинската дипломатија Дмитро Кулеба минатата недела во интервју за магазинот „Форин полиси“.
Кулеба смета дека создавањето дополнителен притисок врз Русија на бојното поле и обединувањето на земјите „кои ги делат принципите“ ќе помогнат Русија да биде подготвена да учествува во дијалогот.
Европа
Макрон не ја исклучува можноста за испраќање војници во Украина доколку Русија „ја пробие линијата на фронтот“
Францускиот претседател Емануел Макрон во интервју за Економист изјави дека не ја исклучува можноста за испраќање војници во Украина доколку Русија „ја пробие линијата на фронтот“ и ако Киев тоа го побара од Париз, пренесува BFMTV.
„Доколку Русите ги пробија првите линии на фронтот и ако има украинско барање – што не е случај денес – би било легитимно да се постави тоа прашање“, рече Макрон.
Веќе во февруари, Макрон ја покрена можноста за испраќање западни трупи на украинска територија, потсетува БФМ.
„Како што кажав, не исклучувам ништо бидејќи има некој од другата страна кој не исклучува ништо. Без сомнение, бевме премногу сомнителни кога ги дефиниравме границите на нашата акција”, рече францускиот претседател.
Макрон рече дека „априори отфрлањето“ на можноста за испраќање војници би значело дека „не се научени лекциите од последните две години“, бидејќи во летото 2022 година биле против испраќање тенкови, ракети со долг дострел и авиони. и сега сето ова го испорачуваат во Украина.
„Имам јасна стратешка задача: Русија не смее да победи во Украина. Ако Русија победи во Украина, нема да има безбедност во Европа“, додаде тој.
„Кој може да тврди дека Русија ќе застане таму? Каква безбедност има за другите соседни земји, Молдавија, Романија, Полска, Литванија и толку многу други? И тогаш, каков кредибилитет има за Европејците кои би потрошиле милијарди, велејќи дека тоа е опстанокот на континентот и не би обезбедиле средства за запирање на Русија. Така да, не треба ништо да исклучуваме“, истакна Макрон.