Дипломатите во Брисел се шокирани поради сериозните сомневања за корупција и политичко влијание во истрагите на ЕУЛЕКС; но и понатаму останува впечатокот дека европските структури се обиделе да ги сокријат трагите од овие прекршоци, пишува косовскиот весник Koha Ditore.

Дури после една година, структурите на ЕУЛЕКС на Косово и оние во Брисел, кои ја надгледуваат оваа мисија, ги известиле политичките центри на Унијата во врска со постоењето на сериозни сомнежи за корупција во ЕУЛЕКС.

Покрај тоа што европските парламентарци и дипломати биле шокирани од пишувањата на Koha Ditore, се уште се разочарани поради признавањата на структурите на ЕУ дека ова не е ништо ново, но дека не преземале ништо за расветлувањето на оваа состојба, пишува приштинскиот весник.

„Понекогаш изгледа комично кога нас ни кажуваат за сето ова многу порано од пишувањата во Koha Ditore. Затоа нас ништо не ни рекоа, затоа чуваат тајни. Тоа раѓа сомнежи дека се прикривани трагите, што е посебен скандал сам по себе“, рекол еден европски дипломат.

Како што пренесува Koha Ditore, најмалку 18 лица од редовите на ЕУЛЕКС се под истрага.

„Велат дека оваа истрага ќе биде брза и длабинска, се додека не се открие правдата“, изјавил претставници на ЕУ за Koha Ditore./крај/мф/бс