Регион
Почна евакуацијата на бегалците од Идомени, помалку доаѓања од Турција
Грчките власти започнаа со евакуирање на мигрантите кои се блокирани во кампот крај Идомени на границата со Македонија, објави во саботата полицијата истовремено потврдувајќи дека е намалено пристигнувањето на мигрантите и бегалците на грчките острови од Турција.
Осум автобуси пренеле околу 400 мигранти од кампот во Идомени во центрите за прифаќање во истата област, истакна локалната полиција. Десетина други автобуси чекаат во саботата да ги превезат мигрантите од истиот камп кои се согласуваат да заминат од него, повеќето семејства со деца кои повеќе не можат да ги поднесат тешките услови во Идомени.
Според официјалните бројки, 11.603 лица се наоѓаа во саботата претпладнето во Идомени, откако Македонија ја затвори својата граница на почетокот од март откако тоа претходно го сторија другите земји на ткн балканска бегалска рута.
„Од понеделник ќе се интензивираат напорите“, изјави претходно во четвртокот Јоргос Киритис, портпарол на службата за координација на миграциските политики. Според него, ќе бидат оспособени 30.000 нови места во центрите за прифаќање во следните три седмици.
Истовремено приливот на мигранти од Турција продолжил да паѓа од стапувањето на сила на договорот меѓу Европската унија и Турција, пред една седмица. Во саботата грчките власти дека само 78 лица пристигнале во петокот на грчките острови, во однос на 161 човек во четвртокот. Претходно во средата, пак, не беше регистрирано ниту едно пристигнување на мигранти, првпат откако стапи на сила договорот ЕУ-Турција чија цел е да се спречи миграциската рута преку Егејското Море./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Нови детали за малата Данка: нејзината ДНК не била пронајдена на автомобилот со кој била удрена
Како што пренесува „Нова.рс“, на ниеден од предметите што биле земени за помош во истрагата не биле пронајдени биолошки траги од двегодишната Данка Илиќ од Србија.
Српскиот портал напиша дека досега се пронајдени повеќе од 400 траги во службеното возило за кое се сомневаат дека го користеле Дејан Драгојевиќ и Срѓан Јанковиќ кога, според нивното признание, го удриле девојчето. Обвинителството пред неколку дена ги доби резултатите од новите вештачења.
„Од внатрешноста на службениот автомобил во Бор се земени повеќе од 500 траги, како и траги од надворешната страна на автомобилот. Досега вештачењата покажаа дека нема трага од ДНК на Данка Илиќ ниту во самиот автомобил ниту на надворешните делови од возилото“, пишува „Нова.рс“ повикувајќи се на Вишото јавно обвинителство.
Медиумот потсетува дека осомничените работници на фирмата „Водовод“ од Бор, Јанковиќ и Драгијевиќ, биле на работна задача на 26 март кога во Бањско Поле исчезна двегодишно девојче. Според признанието на Драгијевиќ, девојчето го удриле со службеното возило, го задавиле и го фрлиле на дива депонија, од каде што два дена подоцна Дејан со својот татко (73) и сега починатиот брат Далибор (40) наводно го преселиле телото на друга, непозната локација.
Телото на двегодишната Данка сè уште не е пронајдено.
Регион
Се урна конструкција на рингишпил, повредени 13 деца, од кои едно е во животна опасност во Куршумлија
Во Куршумлија денеска се случила несреќа кога на локалниот саем се урнала конструкцијата на рингишпилот, пренесуваат српските медиуми.
Според написите, повредени се 13 деца, од кои едно потешко.
Станува збор за девојче, чиј живот е во опасност и има сериозни повреди на главата и ‘рбетниот столб.
Таа била итно префрлена во КЦ „Ниш“ на Одделот за неврохирургија.
Седум деца се во друга болница, каде што во тек е понатамошна дијагностика, а другите деца се полесно повредени, пишуваат тамошните медиуми.
Регион
Шји Џјинпинг: Србија е првата земја од Европа со која ќе изградиме заедница со заедничка иднина
Претседателот на Народна Република Кина, Шји Џјинпинг, изјави дека во денешните разговори со претседателот Вучиќ е постигнат значаен консензус и дека Србија ќе биде првата земја од Европа со која ќе изгради заедница со заедничка иднина.
„Заеднички објавивме дека ќе изградиме заедница меѓу Кина и Србија со заедничка иднина во новата ера, што ќе отвори ново поглавје во историјата на кинеско-српските односи. Пред осум години Србија стана првиот сеопфатен стратешки партнер на Кина во Централна и Источна Европа, а денеска станува првата европска земја во која ќе изградиме заедница со заедничка иднина“, рече Шји во говорот по размената на потпишаните меѓудржавни договори меѓу Србија и Кина во Палатата „Србија“.
Тој посочи дека како вистински пријатели и добри партнери Кина и Србија уживаат политичка доверба, која е силна како карпа.