Европа
На годишнината од нападот Charlie Hebdo на насловната ќе објави брадест Господ убиец
За првата годишнина од нападот на радикалните исламисти кој ја десеткуваше редакцијата на парискиот сатиричен магазин Charlie Hebdo поради објавувањето карикатури на пророкот Мухамед, неговото следно специјално издание во средата на насловната страница ќе објави цртеж на брадест Господ во крвава одежда со калашников во раце, проследен со насловот „Една година подоцна, убиецот и натаму шета“.
Овој број ќе биде печатен во околу милион примероци, иако пред ланските напади најголемиот нарачан тираж на Charlie Hebdo изнесуваше 60.000 што е минорно за францускиот пазар. Десетици илјади примероци од специјалниот број треба да бидат испратени во странство.
Во споменатото издание ќе биде додаден специјален прилог со цртежите на убиените карикатуристи Кабу, Волински, Шарбо, Тињус, Оноре и прилози на надворешни соработници, меѓу кои на француската министерка за кутура Флер Пелерен, актерките Шарлот Генсбург и Жулиет Бинош. Како и на познати интелектуалци како Елизабет Бединтер, Таслим Насрин, Расел Банксои музичарот Ибрахим Малуф.
Карикатуристот Рис, главниот уредник на магазинот кој важеше до нападите за невлијателно збиралиште на личности со неодредени либерални ставови, кој беше тешко ранет на 7-ми јануари 2015 година, напиша воведник во кој се залага за секуларизам и ги критикува фанатиците и оние кои ја посакуваат смртта на весникот кои „се осмелува да ѝ се потсмева на верата“.
Во воведникот, исто така, Рис ветува дека „убедувањето на атеистите и лаиците може да придвижи и повеќе планини отколку верата на верниците“.
Редакцијата Charlie Hebdo беше нападната поради упорното објавување на карикатури на пророкот Мухамед, што предизвика протести ширум светот поради тоа што во муслиманскиот свет тоа се смета за богохулство. Тогаш исламистички напаѓачи убија 17 луѓе во редакцијата на сатиричниот магазин и во продавница за еврејска кошер храна во Париз.
Меѓутоа, француската престолнина кон крајот на 2015 година, на 13-ти ноември се соочи со уште поголема бруталност на терористите кои во својот џихадистички поход убија 130 луѓе./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.
Европа
(Видео) Полицијата го бркаше убиецот со меч низ Лондон, објавена е снимка
Би-би-си објави снимка на која се гледа лондонската полиција која го брка напаѓачот со нож, кој денеска уби 13-годишно момче и повреди неколку други.
На снимката се слушаат полицајците како им викаат на граѓаните: „Заклучете ги вратите“.
Полицијата смета дека не се работи за терористички напад.
Полицајците уапсија маж вооружен со меч по извештаите за сериозен инцидент со прободување во североисточен Лондон.
Со електрошокер бил совладан 36-годишниот маж кој мавтал со меч.
„Со голема тага можам да потврдам дека 13-годишното момче кое беше избодено, почина во болница набргу откако му биле нанесени убодите“, изјави началникот на лондонската полиција Стјуарт Бел.
Уште две лица и двајца полицајци се во болница поради убодни рани и се надвор од животна опасност.
„Не мислиме дека постои закана за пошироката заедница, полицијата не бара други осомничени и се чини дека овој инцидент не е поврзан со тероризам“, рече Бел.
Европа
Полските земјоделци повеќе нема да ја блокираат границата со Украина
Полските фармери го откажаа протестот на последниот блокиран граничен премин со Украина, објавија Киев и Варшава, ставајќи крај на повеќемесечната криза која ги наруши билатералните односи меѓу двете земји.
Украинскиот министер за земјоделство ја поздрави „конструктивната работа“ на Полска за укинување на блокадата, наведувајќи во соопштението дека преговорите со Варшава и индустриските здруженија не биле лесни, но „главната работа е што резултатот е постигнат“.
„За среќа, сите правци на границата со Полска се деблокирани“, изјави портпаролот на украинската гранична полиција Андриј Демченко, додавајќи дека полските фармери го ослободиле пристапот до преминот Рава-Руска.
Камиони утринава почнаа да ја минуваат границата во двата правци, рече тој.
Портпаролот на полската гранична полиција Анджеј Јузвијак изјави за Ројтерс дека Украина може да се премине „непречено“ на сите премини.
Полските земјоделци и камионџии ги блокираа граничните премини со Украина од крајот на есента минатата година во знак на протест против нелојалната конкуренција.
Како главна причина тие ја наведоа пасивноста на владата кон губење на работни места поради странските конкуренти од почетокот на војната во Украина, бидејќи камионџиите од Украина беа ослободени од обврската да имаат дозвола за преминување на полската граница.