Регион
Србија доби демарш од ЕУ поради извозот на храна кон Русија
Европската унија (ЕУ) и упати демарш на Србија поради тоа што го искористила руското ембарго кон земјите членки на ЕУ за извоз на храна, и пласирала свои производи на рускиот пазар, пренесува Танјуг.
Европската унија (ЕУ) и упати демарш на Србија поради тоа што го искористила руското ембарго кон земјите членки на ЕУ за извоз на храна, и пласирала свои производи на рускиот пазар, пренесува Танјуг.
Официјалните претставници на ЕУ неодамна ги повикаа сите трети земји и земји кандидати за членство во Унијата, да не го користат руското ембарго против европските произведувачи.
„ЕУ жали поради објавените мерки на Руската Федерација за забрана на увоз на одредени земјоделски производи од Унијата. За да се обезбеди единство на меѓународната заедница и почитување на меѓународното право, ЕУ очекува од третите земји и земјите кандидати да се воздржат од мерките кои се насочени кон искористување на новите трговски можност настанати по воведувањето на ове мерки“, се наведува во заклучоците од состанокот на Советот на министрите на ЕУ на 15 август.
Шефот на српската дипломатија, Ивица Дачиќ изјавил дека ЕУ од Србија бара да не поттикнува извоз на штета на Унијата, а српската влада ова ќе го разгледа и ќе заземе став.
„Србија не воведе никакви посебни мерки кои би поттикнале такви активности. Ние внимателно ќе го разгледаме ова барање на ЕУ и владата ќе заземе став“, рекол Дачиќ за РТС.
Реакцијата упатиле и од руското министерство за надворешни работи, оценувајќи дека апелите на Брисел до третите земји да не извезуваат земјоделски производи во Русја покажува дека ЕУ не сака да го напушта перспективниот руски пазар, и изразиле уверување дека овие земји можат сами да одлучат како ќе се однесуваат.
Додека во Турција не се загрижени околу предупредувањето на Брисел, во земјите кандидати на Балканот ова се сфаќа сериозно. Албанија и Црна Гора веднаш ги прифатија насоките од Брисел, додека за Македонија состојбата останува сложена, а ова особено важи и за Србија, пишува угледниот швајцарски весник Neue Zürcher Zeitung.
Казнените мерки против Москва во Србија се непопуларни – не само од економски причини, оценува весникот, наведувајќи дека Русија, после Германија и Италија е третиот најголем трговски партнер на Србија, која истовремено е целосно зависна од рускиот гас./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ужас во Загреб: пронајдено тело во автомобил во одводен канал
Граѓани попладнево во одводен канал во Загреб пронашле возило со тело на непознато лице, соопшти полицијата.
Повикот во полиција стигнал нешто по 13 часот.
Полицијата набрзо пристигнала на локацијата меѓу Антуновац и Тења и потврдила дека лицето во возилото починало, пишува Вечерњи лист.
Истрагата е во тек.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.