Регион
Турција следните денови ќе ја нападне Исламската држава
Турција има намера следните денови ќе покрене воена офанзива против терористичката организација Исламска држава, којашто е осомничена за бомбашкиот напад од 10-ти октомври во главниот град Анкара кога беа убиени 102 луѓе со што стана најкрвавиот терористички чин во историјата на земјата, изјави турскиот министер за надворешни работи Ферудун Синирлиоглу.
„Планираме воено да дејствуваме врз нив (Исламската држава)“, изјавил шефот на турската дипломатија Ферудун Синирлиоглу на конференција за иднината на Блискиот исток која се одржува во Ербил, главниот град на автономната покраина ирачки Курдистан, пренесе агенцијата Anadolu.
Турската војска, којашто од летово изведува воена операција против тероризмот, досега беше концентрирана врз герилците на Работничката партија на Курдистан (PKK).
По самоубиствениот бомбашки напад на главната железничка станица во Анкара, кога на 10-ти октомври беа убиени 102 луѓе а околу 500 ранети, припадници и активисти на прокурдските и левичарски партии, како и на невладини организации, турската полиција изведе масовни операции во коишто ширум земјата беа приведени стотици лица осомничени за припадност на џихадистичките кругови. Обвинителството на Анкара, смета дека нападот го наредил штабот на Исламската држава во Сирија.
„Исламската држава претставува закана за нашиот начин на живот и безбедност Сите мораме да ѝ се спротиставиме на таа опасност. Иако напредувањето на Исламската држава е послабо благодарејќи на меѓународните напори во кои учествуваме, заканата не исчезна“, рекол Синерлиоглу.
Медиумите забележуваат дека министерот не рекол во која земја ќе се одвива таа операција, а портпаролот на турската дипломатија Танзу Билгич прецизира дека Синирлиоглу не го употребил изразот „копнена операција“./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ужас во Загреб: пронајдено тело во автомобил во одводен канал
Граѓани попладнево во одводен канал во Загреб пронашле возило со тело на непознато лице, соопшти полицијата.
Повикот во полиција стигнал нешто по 13 часот.
Полицијата набрзо пристигнала на локацијата меѓу Антуновац и Тења и потврдила дека лицето во возилото починало, пишува Вечерњи лист.
Истрагата е во тек.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.