Црна хроника
Дедо Љубе очекува правдата да победи, судењето одложено
Сметам дека правдата ќе победи. Јас го преживеав ова и се надевам дека судот ќе ја најде вистината за тоа што ми се случи, рече дедо Љубе пред насобраните граѓани пред Основниот суд во Куманово на почетокот на судскиот процес против него.
Судењето, како што пренесува Телеграф, беше одложено откако адвокатите на дедо Љубе побараа да се повтори истрагата за точно утврдување на тоа што се случило на 27-ми февруари 2013 година во домот на старецот и неговата сопруга во село Којково, каде биле нападнати од разбојници.Семејството и дедо Љубе ги ополномоштија адвокатите Христијан Георгиевски од Куманово и Жарко Стефаноски од Прилеп.„Одбраната сметаше дека постојат сè уште битни факти кои треба да се утврдат, а од кои зависи самото обвинение и неговото подигнување, вклучувајќи ја тука и правната квалификација. Овој предлог беше внимателно разгледан од Кривичниот совет, беше усвоен и постапката ќе се врати во фаза на истрага“, рече адвокатот Георгиевски.Обвинителството го гони за три кривични дела: убиство на миг, убиство во обид и неовластено држење оружје.Инцидентот се случи пред две години, кога во домот на Љубoмир Митев и неговата сопруга, во кратовското село Којково, според кажувањата на дедо Љубе, ги нападнале двајца разбојници кои ги измачувале и сакале да ги ограбат. Но, дедо Љубе успеал да се ослободи и застрела еден од разбојниците.Дедо Љубе доби голема поддршка на социјалните мрежи преку кои се бара слобода за старецот./крај/мф/
Извор: Фото: Дневник
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Петгодишно дете исчезна во Сарај, МВР го најде по два часа
Петгодишно девојче исчезнало денес околу 16.20 часот во паркот Сарај.
Како што објави МВР, веднаш презеле мерки, па околу 18.15 часот детето било пронјадено.
Претходно, од полицијата информираа дека се трага по девојче со руса долга коса, облечено во розово фустанче и розови чевли
Црна хроника
Ископана човечка коска во дворот на Клиничкиот центар во Скопје
Вчера во СВР Скопје било пријавено дека кај Клиника за психијатрија при Комплексот клиники „Мајка Тереза“, при изведување на градежни работи – вршење на ископ, била пронајдена коска, најверојатно човечка, на место каде порано имало гробишта.
Излезено било на местото на настанот од полициски службеници од СВР Скопје и известен бил јавен обвинител.
Црна хроника
Во куќарка на паркинг во Центар пронајдено починато лице
Во 06.10 часот во СВР Скопје било пријавено дека на подрачјето на Центар, во куќарка на паркинг, додека бил на неговото работно место, бил пронајден починат Д.С.(63) од Скопје.
Од страна на лекар од Итна медицинска помош констатирана била смрт без видливи траги на насилство.
Извршен бил увид од увидна екипа од СВР Скопје, а по наредба на Јавен обвинител телото на починатиот било дадено за обдукција.