Европа
Европратеник: Европските челници бараат оставка од Ципрас
Челниците и министрите за финанси на земјите од еврозоната се обидуваат на секој начин да изнудат оставка од грчкиот премиер Алексис Ципрас, како одмазда за референдумот од 5-ти јули, изјави во понеделникот шпанската пратеничка во Европскиот парламент од пратеничката група на Европската обединета левица/Лево-зелениот Север, Марина Албиол.
Во писмената изјава на европратеничката Марина Албиол, кое го пренесува руската агенција Sputnik, германската канцеларка Ангела Меркел и другите европски челници „со сите средства се обидуваат да издејствуваа оставка од Алексис Ципрас како одмазда за референдумот“ од 5-ти јули кога Грците со уверливи 61 отсто ги отфрлија предлозите на меѓународните доверители за продолжување на финансиската помош на Грција.
„Откако беше одржан референдумот, од грчката влада се бараше сé повеќе и повеќе, давајќи јасно на знаење дека какви предлози и да даде Ципрас, нема да биде доволно. Зашто тие всушност ја бараа неговата оставка, но не ја добија, бидејќи, како што покажа референдумот, народот беше на негова страна“, се наведува уште во цитираното писмо на Албиол.
Шпанската европратеничка, исто така, вели дека притисокот врз грчката влада е „одмазда и лекција, коишто некои европски лидери, како на пример шпанскиот (конзервативен) премиер Маријано Рахој, сакаат да ја научи Ципрас“. Европските челници, продолжува Албиол, „отворено влијаат врз изборите, обидувајќи се да шират страв во однос на левичарските влади“.
„Сега останува да веруваме и да се надеваме дека Ципрас и неговиот тим ќе можат да направат новата програма за помош, и покрај нејзината жестокост, да има што помалку последици за грчкиот народ, кој без разлика на тоа што го забораваат инаку европските лидери, плаќа за последиците од непринципиелноста на ЕУ“, се додава во изјавата.
Претходно во понеделникот, одговарајќи на директно новинарско прашање, дали одлуката за Грција е „одмазда за грчката влада за референдумот“, Рахој категорично негираше. „Се разбира не. Сметам дека беше донесена добро решение. Грција останува во еврозоната. Доколку Грција ги исполни тие мерки, тогаш ќе има програма којашто ќе придонесе луѓето подобро да живеат“, додаде шпанскиот премиер. /крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.
Европа
(Видео) Полицијата го бркаше убиецот со меч низ Лондон, објавена е снимка
Би-би-си објави снимка на која се гледа лондонската полиција која го брка напаѓачот со нож, кој денеска уби 13-годишно момче и повреди неколку други.
На снимката се слушаат полицајците како им викаат на граѓаните: „Заклучете ги вратите“.
Полицијата смета дека не се работи за терористички напад.
Полицајците уапсија маж вооружен со меч по извештаите за сериозен инцидент со прободување во североисточен Лондон.
Со електрошокер бил совладан 36-годишниот маж кој мавтал со меч.
„Со голема тага можам да потврдам дека 13-годишното момче кое беше избодено, почина во болница набргу откако му биле нанесени убодите“, изјави началникот на лондонската полиција Стјуарт Бел.
Уште две лица и двајца полицајци се во болница поради убодни рани и се надвор од животна опасност.
„Не мислиме дека постои закана за пошироката заедница, полицијата не бара други осомничени и се чини дека овој инцидент не е поврзан со тероризам“, рече Бел.