Синоќа, на регионалниот пат Удово – Демир Капија, кај местото наречено раскрсница Удово, полицијата привела две лица, кои со автомобил превезувале десет лица мигранти од Сирија.

Според информациите, се работи за М. С. (22) од с. Желино, Тетовско, и А. Џ. (20) од Тетово. А. Џ. се сомничи дека со патничко возило „мерцедес“, со словачки национални ознаки, превезувал 10 лица мигранти од Сирија, а М. С. со патничко возило „мерцедес“, со тетовски регистарски ознаки, бил претходница на возилото на А. Џ..

Имено, околу 16.20 часот, на автопатот А1, кај клучката кај Смоквица, полициски службеници дале знак за запирање на возилото „мерцедес“, со словачки национални ознаки, но возачот не застанал и продолжил со движење. Набргу кај местото наречено раскрсница Миравци возачот изгубил контрола, излетал од коловозот, по што побегнал. Притоа во возилото биле пронајдени 10 лица мигранти од Сирија, кои биле смeстени во Прифатно-транзитниот центар „Винојуг“ во Гевгелија за понатамошна постапка.

По преземените мерки, во 19.20 часот кај Удово лицата биле пронајдени и лишени од слобода, а по целосно документирање на случајот, против нив ќе биде поднесена соодветна пријава.