Полицијата пронајде 13 мигранти од Пакистан во камион на автопатот Куманово – Табановце.

Според информациите на МВР, денеска околу 15 часот полициски службеници во близина на село Костурник на автопатот Куманово – Табановце во товарно моторно возило „форд транзит“ со скопски регистарски ознаки, управувано од А.К (34) од Рашче,скопско, пронашле 13 мигранти од Пакистан.

А. К. е приведен и против него ќе биде поднесена кривична пријава.

Полицијата пронајде 1.243 стебла марихуана во близина на болницата „Св. Еразмо“ во Охрид.

Според информациите на МВР, приведени се две лица и против нив е поднесена кривична пријава за неовластено производство и пуштање во промет на наркотични дроги, психотропни супстанции и прекурсори.

„Одделот за сузбивање на организиран и сериозен криминал, работејќи на полето на сузбивање на организирани криминални групи кои вршат производство и недозволена трговија со наркотични дроги на национално и меѓународно ниво, заедно со полициски службеници од СВР Охрид спроведоа заедничка координирана акција на подрачјето на Охрид, при што во близина на болницата „Свети Еразмо“ во Охрид беа пронајдени и запленети 1243 стебла Канабис сатива“, соопшти МВР.

Полициски службеници од СВР Битола, синоќа (14 јуни), околу 16 часот, во овој град ги привеле грчките државјани А. П. (50) и Г. П. (53) поради нарушување на јавниот ред и мир.

Како што информираат од МВР, Грците гласно викале, непристојно и дрско се однесувале и кршеле предмети.

Тие се предадени на судија за претходна постапка во Основниот суд – Битола за понатамошно постапување.