Министерството за внатрешни работи во текот на вчерашниот ден (26.05.2022) продолжи со засилените акциски контроли во областа на сообраќајот.
На територија на град Скопје изречени се вкупно 164 мерки, меѓу кои за возење повеќе од дозволената брзина 13 санкции, 13 мерки за возење без возачка дозвола, 25 санкции за прекршоци што ги прават пешаците.

Изречени се 16 мерки за прекршоци што ги прават возачите на мотоцикл, пет санкции за возење под дејство на алкохол, девет мерки за недавање првенство на минување на пешаци, шест санкции за возач почетник…

МВР апелира до граѓаните да ги почитуваме сообраќајните правила и прописи за да ја зголемат безбедноста во сообраќајот и заедно да придонесат за посигурни патишта.

Приведен е бегалец од затвор и ќе биде предаден за доиздржување на затворската казна, информираа од МВР.

„Денеска (26.5.2022), полициски службеници од Единицата за интервентна полиција при СВР Скопје го лишиле од слобода Н.Н.(25) од Скопје. Тој бил баран по потерница за доиздржување затворска казна и поради бегство од казнено-поправна установа“, наведе полицијата.

Лицето ќе биде спроведено во казнено-поправна установа за доиздржување на казната.

Тешко повреден мотоциклист од Скопје по судир со автомобил на крстосницата од улицата Митрополит Теодосиј Гологанов со улицата Њуделхиска.

Сообраќајната незгода се случила вчера утрото меѓу „бмв х3“, со скопски регистарски ознаки, управувано од К. П. (38) од Скопје, и мотоцикл „кавасаки“, со скопски регистарски ознаки, управуван од Б. Н. (28) од Скопје.

Притоа повреди добил мотоциклистот Б. Н. констатирани во Градската општа болница „8 Септември“.

Увид на местото извршила екипа од СВР Скопје.