Црна хроника
Во Скопје изминативе два дена 16 сообраќајни несреќи и 15 повредени

Во текот на изминатите денови (22 и 23. 10. 2018 година) на подрачјето на Скопје се случиле 16 сообраќајни незгоди, од кои три со тешки телесни повреди, девет сообраќaјни незгоди со телесни повреди и четири со материјална штета. Во сообраќајните незгоди три лица добиле тешки телесни повреди и 12 лица добиле телесни повреди.
Од преземените мерки и активности констатирано е дека 55 возачи управувале возила со брзина поголема од дозволената. Од сообраќај се исклучени 42 возачи, од кои: 13 возачи затоа што управувале возила под дејство на алкохол, 27 возачи управувале возила без да стекнат право за управување моторно возило и двајца возачи затоа што биле возачи почетници.
Исто така, исклучени од сообраќај се и 29 возила бидејќи биле нерегистрирани. Санкционирани се девет возачи поради поминување крстосница на црвено светло, седум возачи поради недавање првенство на минување пешаци, двајца поради неправилно престројување и двајца возачи поради неправилно престигнување. Во однос на пешаците, санкционирани се тројца пешаци поради поминување коловоз надвор од пешачки премин. Во текот на изминатиот ден издадени се 146 мандатни платни налози и 72 возила се подигнати со специјалното возило „пајак“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Млади скопјани со електрошок украле чанта, со платежната картичка во неа „пазареле“ на бензинска

Денеска во Скопје, полициски службеници од Одделението за криминалистички работи Карпош и Единицата за интервентна полиција при СВР Скопје ги лишиле од слобода М.С.(18) и еден малолетник, двајцата од Скопје.
Тие се сомничат дека на 04.06.2022 на ул.„Миле Поп Јорданов“ со употреба на електрошок од З.М. од Скопје одзеле чанта со лични документи и платежна картичка, кој ја употребиле на неколку бензински станици.
При претрес во домот на М.С., извршен со судска наредба, бил пронајден електрошок и други предмети кои потекнуваат од кривичното дело.
Тие биле приведени во полициска станица и по целосно документирање на случајот против нив ќе биде поднесена соодветна пријава.
Црна хроника
Фатен е разбојникот кој украде уметнички слики од „Матица ексклузив“

Рано утринава, во 02.00 часот на бул.„Партизански одреди“ полициски службеници од Единицата за интервентна полиција при СВР Скопје го лишиле од слобода Е.Д.(33) од Скопје.
Според информациите на полиција, „тој бил затекнат при обид за извршување на „тешка кражба“ во куќа на подрачјето на Центар и го признал делото. Притоа кај него е пронајден предмет кој што потекнува од кривични дела „тешка кражба“ пријавени на 27.06.2022 во Полициската станица Центар, а извршени во периодот од 25 до 27.06.2022, при што од книжарница на ул.„Ѓуро Стругар“ во Скопје биле одземени повеќе уметнички слики“.
Инаку, на наведената адреса пред два дена беше пријавено дека од Мултимедијалниот културен центар „Матица ексклузив“ биле украдени 16 ретки дела од познатиот уметник Павле Кузманоски од Тетово.
Од МВР информираа дека лицето е предадено на полициски службеници од Полициска станица Центар за понатамошна постапка, а за случајот е известен Јавен обвинител.
По целосно документирање на случајот ќе биде поднесен соодветен поднесок.
Црна хроника
Приведен крадец во Скопје, фатен при обид за тешка кражба

Денеска, во 2 часот, на булеварот Партизански одреди, полициски службеници од Единицата за интервентна полиција при СВР Скопје го лишиле од слобода Е. Д. (33) од Скопје.
Тој бил затекнат при обид за извршување тешка кражба во куќа на подрачјето на Центар и го признал делото.
Притоа кај него бил пронајден предмет што потекнува од кривични дела тешка кражба, пријавени на 27.6.2022 во Полициската станица Центар, а извршени во периодот од 25 до 27.6.2022, при што од книжарница на улицата Ѓуро Стругар во Скопје биле одземени повеќе уметнички слики, соопшти полицијата.
Лицето, како што информира МВР, им е предадено на полициски службеници од Полициската станица Центар за понатамошна постапка, а за случајот е известен јавен обвинител. По целосно документирање на случајот, ќе биде поднесена соодветна пријава.