Основното јавно обвинителство Скопје до Основниот кривичен суд Скопје поднесе обвинителен акт против едно лице за продолжено кривично дело неовластено производство и пуштање во промет наркотични дроги, психотропни супстанции и прекурсори од чл. 215, ст.1 во врска со чл. 45 од Кривичниот законик.

Обвинетиот 41-годишен скопјанец, во домот во кој престојувал на булеварот Гоце Делчев, во повеќе наврати во периодот од јуни до средината на септември неовластено, заради продажба, држел наркотична дрога хероин и марихуана. При извршени три претреси на неговиот дом во наведениот период била пронајдена дрога во помали количества, како и сива дигитална вага со траги од хероин и кокаин.

Со оглед на тоа што се работи за лице претходно осудувано за истото кривично дело, надлежниот јавен обвинител процени дека постои опасност тој да го повтори делото или да се даде во бегство, па до судот достави и посебен предлог за продолжување на мерката притвор за обвинетиот.

Тешко повреден 40-годишен охриѓанец во сообраќајна несреќа на патот Битола – Ресен, на мостот кај с. Кажани. Несреќата се случила вчера помеѓу запрено товарно возило „ман Ф200“ и автомобил „ауди“.

Во незгодата тешки телесни повреди добил возачот на „аудито“ по што бил пренесен во Клиничката болница Битола за укажување лекарска помош. Извршен бил увид на местото на настанот од увидна екипа од СВР Битола.

Во индустриска зона во с. Василево приведен е 41-годишен жител на скопското село Зелениково, кој управувал товарно возило „фиат дукато“, во кое при контрола од полициски службеници биле пронајдени 30 лица мигранти (29 од Авганистан и еден од Пакистан).

Мигрантите биле сместени во прифатен центар за странци за понатамошна постапка, а за М.О. било констатирано дека се бара за издржување казна затвор за сторено кривично дело неовластено производство и пуштање во промет наркотични дроги, психотропни супстанции и прекурсори.

Тој бил предаден на полициски службеници од СВР Струмица за понатамошна постапка.