Гостиварската полиција поднесе кривична пријава против 28-годишник од гостиварското село Дебреше и против 47-годишен албански државјанин поради сомнение дека извршиле 13 тешки кражби.

Како што информираат од МВР, двајцата разбојници кражбите ги извршиле во периодот од август до ноември годинава во Гостивар и селата Дебреше и Врањовце. Тие со употреба на сила влегувале во куќи на луѓе што биле на привремена работа во странство.

Во врска со овој случај пријава е поднесена и против 41-годишен тетовец, кој ги откупувал украдените предмети, иако знаел дека потекнуваат од кражби, а потоа им ги препродавал на други лица.

Двајца разбојници во раните утрински часови на 16 ноември извршиле вооружен грабеж во бензинска пумпа на улицата Методија Андонов Ченто.

Како што информираат од МВР, сторителите со закана со пиштол од вработените го одзеле дневниот промет и побегнале.

Полицијата презема мерки за пронаоѓање на разбојниците и за целосно расчистување на случајот.

Тетовската полиција поднесе кривична пријава против 18-годишник од тетовското село Отушиште поради сомнение за сторени три кривични дела тешка кражба.

Како што информираат од МВР, во септември годинава на подрачјето на Тетово пријавениот извршил три тешки кражби во џамии, при што одзел вкупно 8.800 денари.