Контакт

Топ

Две лица загинаа во сообраќајна несреќа на патот Демир Капија – Неготино

Објавено пред

Две лица загинаа во сообраќајна несреќа што се случи вчера на регионалниот пат Демир Капија – Неготино, во близина на клучката кај  с. Тремник.

Несреќата се случила помеѓу автомобил „хјундаи“, управуван од Е. К. (40) од с. Тремник, Неготинско, и автомобил „фолксваген голф“, управуван од М. Н. (51) од Неготино.

Притоа, Е. К. починал на местото на настанот, а М. Н. починал на патот кон болница. Основен јавен обвинител и екипа од Полициската станица Неготино извршиле увид на местото на настанот.

Свет

Насилството во Хонгконг ескалира: Демонстрантите со стрели ги гаѓаат полицајците

Објавено пред

Полицијата во Хонгконг соопшти денеска дека демонстрантите со стрели ги гаѓале полицајците кои патролирале во близина на Политехничкиот универзитет, а потоа фрлале саксии од повисоките катови кога пристигнало засилување.

Полицијата одговорила со солзавец, па демонстрантите повторно ги гаѓале со стрели, а подоцна се случил и трет напад со вакво оружје. Ниту еден од полицајците не е повреден.

Полицијата соопшти дека на местото на настанот биле запленети шест стрели.

Студенти и други демонстранти неделава се собраа во главниот универзитетски кампус во Хонгконг, подготвувајќи се за отпор во случај полицијата да се обиде да ги протера од таму.

Протестите во оваа поранешна британска колонија, сега под делумна управа на Кина, се квалификуваат како про-демократски, а започнаа пред повеќе од пет месеци и ги поделија жителите.

Градот со 7,5 милиони луѓе веќе четврти ден е погоден со масивни прекини во транспортот, бидејќи демонстрантите блокираа некои од поголемите улици и железнички линии.

Има илјадници луѓе кои не успеале да стигнат на работа, па затоа властите ги повикаа работодавците да покажат флексибилност. Во прекин е и наставата во повеќето училишта во Хонгконг.

 

Прикажи повеќе...

Европа

(Видео) Вонредна состојба во Венеција

Објавено пред

Италијанската влада денеска ќе прогласи вонредна состојба поради поплавата во Венеција, со цел што побрзо да се мобилизираат средства за да се избегне, на долг рок, исчезнување на еден од најубавите градови во светот.

Непосредно пред полноќ, нивото на морето запрело на 77 сантиметри, далеку од вчерашните 1,87 метри, што не било видено 53 години.

„Катастрофата што ја погоди Венеција е удар во срцето на нашата земја. Тешко е да се гледа градот во таква состојба, неговото уметничко наследство е во ризик, а комерцијалните активности се на колена“, рече премиерот Џузепе Конте, кој дојде во градот.

Владата ќе се состане во Рим денеска попладне за да прогласи вонредна состојба во Венеција, постапка што ѝ дава на владата посебни овластувања и ресурси да дејствува што е можно поскоро.

Порастот на нивото на морето во комбинација со силните ветрови и дождови вчера го поплавија скоро целиот град. Според изјавата на гувернерот на регионот, Лука Заја, поплавени се 80 проценти од градот.

Италијанските медиуми јавија дека седумдесетгодишен маж загинал од електричен удар.

Поради поплавите во градот нема електрична енегија, а водата навлезе во базиликата на плоштадот Свети Марко, во продавниците, рестораните, хотелите…

Стотици туристи до нивните хотели морале да стигнат преку вода која на некои места била и над нивните колена.

Градот, со население од 50.000, секоја година го посетуваат околу 36 милиони туристи, од кои 90% се странци.

„Иднината на Венеција е во прашање. Повеќе не може да се живее вака. Потребна е безбедност за да се живее тука. Нашиот меѓународен кредибилитет, исто така, е во прашање“, рече градоначалникот Луиџи Бруњаро.

Градоначалникот смета дека е приоритет да се заврши мегапроектот за браната МИСЕ (експериментален електромеханички модул) што е можно поскоро за да се заштити целиот венецијански басен, а Конте смета дека проектот би можел да биде комплетиран до пролетта 2021 година.

Премиерот, исто така, вети дека владата ќе ја надомести штетата, која, како што рече, во овој момент не може да се пресмета.

Министерот за животна средина смета дека причините за катастрофата се јасни: „Ова е директна последица на климатските промени и ‘тропикализација’ на метеоролошките појави со поројни дождови и силен ветер“.

Прикажи повеќе...

Македонија

Едно од девет возрасни лица во Северна Македонија имаат дијабетес

Објавено пред

Во Северна Македонија едно од девет возрасни лица имаат дијабетес или околу 175 илјади луѓе, објави Асоцијацијата за детски дијабетес на Македонија „Баланс мк“.

Од таму наведуваат дека бројот на лица со дијабетес во светот продолжува да расте. Споредено со 2017 година кога се публикувани последните резултати од осмото издание на Дијабетес атласот, бројот на лица со дијабетес од 425 милиони е пораснат на 463 милиони, односно, зголемен е за 38 милиони, според најновото деветто издание на Меѓународната Федерација за Дијабетес (International Diabetes Federation – IDF).

Ова зголемување на бројот на лица со дијабетес е еднакво на бројот на жители во една голема европска држава како Полска или повеќе од двојно повеќе од бројот на жители во земјите од Западен Балкан (Македонија, Србија, Албанија, Косово, Босна и Херцеговина и Црна Гора). Се проценува дека до 2045 година оваа бројка ќе надмине 700 милиони или секој деветти човек во светот ќе има дијабетес.

Меѓународната Федерација за дијабетес (IDF) годинава го издава деветтото издание на Дијабетес атласот, кој преставува авторитативен извор на податоци за глобалната тежина на дијабетесот.

Според податоците од овој атлас, проценките за 2019 година се следниве: едно од 11 возрасни лица (20-79 години) има дијабетес (463милиони), односно 38 милиони луѓе повеќе споредено со 2017 година, 3.600 повеќе деца и адолесценти заболени од дијабетес споредено со 2017 година, односно 1.110.100 деца и адолесценти на возраст под 20 години имаат дијабетес тип 1..

Едно од две лица со дијабетес се недијагностицирани, 22 милиони луѓе повеќе се на ризик да развијат дијабетес, споредено со 2017, речиси две третини (63%) oд лицата со дијабетес се во активно работно доба (под 60 години), едно од пет лица со дијабетес се на возраст над 65 години, 33 милијарди долари повеќе се трошат на дијабетес споредено со 2017 година,  10% oд светските здравствени трошоци се трошат на дијабетес (760 милијарди долари) и едно од шест раѓања (20 милиони) е засегнато од зголемен крвен шеќер, од кои 84% се должат на гестациски дијабетес (дијабетес во бременост).

Од „Баланс мк“ наведуваат дека зголемената преваленца на дијабетес тип 2 е резултат на забрзаното темпо на урбанизација, стареењето на популацијата, седечки начин на живот, зголемена телесна тежина, недоволна физичка активност и поголем внес на нездрава храна.

Во светски рамки половина од луѓето со дијабетес се недијагностицирани, односно не знаат дека имаат дијабетес. Стапката на дијагностицирани случаи може да се подобри со зголемена свесност за симптомите за дијабетес тип 1 (жед, зголемено мокрење, замор, ненадејно губење на телесна тежина, глад) и зголемени можности за скрининг на лица со висок ризик за дијабетес тип 2 (напредна возраст, зголемена телесна тежина, компликации, ниско ниво на физичка активност и нездрава исхрана).

Во нашата земја е подготвена Национална Стратегија за справување со дијабетесот, која „Баланс мк“ очекува да се имплементира многу скоро.

Асоцијацијата објави и петиција за јавна поддршка на барањето за набавка на сензори за безболно мерење на гликемија на 500 деца и адолесценти, како и исполнување на ветувањето за нивна набавка од Министерството за здравство, Владата и ФЗОМ час поскоро.

Прикажи повеќе...

Најново

Свет39 минути

Насилството во Хонгконг ескалира: Демонстрантите со стрели ги гаѓаат полицајците

Полицијата во Хонгконг соопшти денеска дека демонстрантите со стрели ги гаѓале полицајците кои патролирале во близина на Политехничкиот универзитет, а...

Европа1 час

(Видео) Вонредна состојба во Венеција

Италијанската влада денеска ќе прогласи вонредна состојба поради поплавата во Венеција, со цел што побрзо да се мобилизираат средства за...

Македонија2 часа

Едно од девет возрасни лица во Северна Македонија имаат дијабетес

Во Северна Македонија едно од девет возрасни лица имаат дијабетес или околу 175 илјади луѓе, објави Асоцијацијата за детски дијабетес на...

Регион13 часа

Полициско куче откри рекордна количина хероин во Словенија, вредна речиси 90 милиони евра

Словенечката полиција и цариниците заплениле 730 килограми хероин во пристаништето Копер, што е најголема количина хероин запленета во историјата на...

Свет13 часа

(Видео) Трамп: Се обидуваат да ме спречат

Ова е најголема измама во историјата на американската историја, порача американскиот претседател Доналд Трамп, во врска со почетокот на јавните...

Македонија14 часа

(Видео) Пендаровски: Реформите се потребни за да ја вратиме довербата на граѓаните

Функционалната правна држава е основен услов за опстанок на поредокот и неговиот одржлив развој. Реформите во сферата на владеењето на...

Регион14 часа

Страшна сообраќајна несреќа во Словачка, најмалку 12 загинати и 20 повредени

Најмалку 12 лица, од кои четири деца, загинаа денеска во судир на автобус и камион во западниот дел на Словачка....

Македонија16 часа

(Видео) Заев-Мас: Да се изнајде начин што побрзо до позитивна одлука за Северна Македонија

Претседателот на Владата, Зоран Заев и министерот за надворешни работи на СР Германија, Хајко Мас изразија жалење за одлуката на...

Македонија19 часа

„Никофон“ платил 1.800 место 5.000 денари за квадрат за гаражата кај „Аутомакедонија“, Центар бара раскинување на договорот

Заедно со граѓаните до крај ќе се бориме кај „Аутомакедонија“ да не се изгради катна гаража, туку парцелата да им...

Македонија20 часа

(Видео) Зеќир Рамчиловиќ изгласан за потпретседател на Собранието

Со 62 гласа „за“, 16 „против“ и без воздржани, пратеникот Зеќир Рамчиловиќ е изгласан за потпретседател на Собранието. За оваа...

Македонија22 часа

Во Швајцарија уапсени членови на „Пинк Пантер“, меѓу кои и еден Македонец, ограбиле златарница

Швајцарската полиција уапси двајца црногорски државјани, двајца германски државјани, едно лице од Босна и Херцеговина и едно од Северна Македонија...

Македонија23 часа

Груевски нема да одговара за „Траeкторија“ поради застареност на делото

Експремиерот во бегство, Никола Груевски, нема да одговара за кривичното дело во предметот „Траекторија“, кое се однесува на изградбата на...

Македонија23 часа

Закажано првото рочиште за „Рекет“

Првото рочиште за предметот „Рекет“, во кој се обвинети Бојан Јовановски – Боки 13, поранешната специјална обвинителка, Катица Јанева, и...

Македонија1 ден

Заев: „Југохром“ ќе биде затворен додека не се стават филтрите

„Југохром,“ додека не се стават филтрите, нема да функционира, истакна премиерот Зоран Заев пред вчерашната владина седница во Тетово зборувајќи...

Европа1 ден

(Видео) Венеција под вода, регистриран вториот најголем бран во историјата

Венеција е погодена од вториот најголем бран на плима во историјата, кој ја поплави историската базилика и многу од градските...

Македонија1 ден

Игор Јанушев ќе биде шеф на изборниот штаб на ВМРО-ДПМНЕ

Извршниот комитет на ВМРО-ДПМНЕ на синоќешната седница едногласно одлучи генералниот секретар Игор Јанушев да биде шеф на Републичкиот изборен штаб...

Македонија1 ден

Заев: Побогатите граѓани да ги сменат системите за греење за да помогнат против загадувањето

Премиерот Зоран Заев во изјава за медиумите пред почетокот на вчерашната владина седница во Тетово даде одговор на новинарски прашања...

Македонија1 ден

Пендаровски во Париз предаде копија од книгата на Глигоров „Македонија е се што имаме“

Претседателот Стево Пендаровски за време на посетата во Париз, во библиотеката на Парискиот мировен форум дал копија од книгата „Македонија е...

Свет1 ден

Хилари Клинтон : Под голем притисок сум да го предизвикам Трамп на изборите

Поранешниот државен секретар на САД и кандидат на последните претседателски избори во САД, Хилари Клинтон, вели дека е „под голем...

Свет1 ден

Жанин Анес и официјално стана наследник на Моралес во Боливија

Уставниот суд го призна решението опозициската сенаторка Жанин Анес да ја преземе функцијата привремен претседател на Боливија. Таа синоќа во...

Досие