Спроведувањето на пописот во време на пандемија е голем предизвик, но процесот може да се спроведе и заврши по сите здравствени протоколи, рече министерот за здравство Венко Филипче на онлајн конференцијата во организација на „Рома интеграцион центрум“.

Филипче посочи дека министерството за здаравство и Комисијата за заразни болести како и за време на одржувањето на изборите, така и сега, за спроведување на пописот, ќе бидат на располагање за едукација и донесување протоколи за спорведување на една ваква, како што ја нарече, комплексна операција.

„Ќе дадеме свои укажувања, доколку е потребно може да имаме и мини едукација како тоа да биде организирано од институциите коишто ќе го водат тој процес“, рече Филипче.

Министерот како пример го посочи спроведувањето на изборниот процес, кој во делот со спроведување на здравствените протоколи поминал, како што кажа, без ниту една забелешка.

„Консензус на ниво на СЗО е дека ниту еден процес и постапка не треба да запре, туку треба да се спроведува со протоколи кои се универзално прифатени во сите земји. Во таа смисла сме на располагање и во делот на експертизата, и комуникациски да го поддржиме процесот кој е од клучно значање за државата“, рече Филипче.

Министерството за здравство информира дека во последните 24 часа се направени 1.906 тестирања, а регистрирани се 356 нови случаи на Ковид-19 во Скопје – 171, Куманово – 12, Тетово – 19, Прилеп – 15, Гостивар – 6, Штип – 7, Битола – 4, Велес – 10, Охрид – 20, Струмица – 8, Кавадарци – 19, Струга – 10, Кочани – 2, Кичево – 10, Свети Николе – 1, Гевгелија – 3, Неготино – 3, Ресен – 3, Крива Паланка – 3, Радовиш – 3, Берово – 4, Делчево – 3, Пробиштип – 7, Виница – 3, Демир Хисар – 1, Кратово – 1, Крушево – 4, Македонска Каменица – 1, Пехчево – 2 и еден во Демир Капија.

Институтот за јавно здравје денеска регистрирал 587 оздравени пациенти од Скопје – 426, Куманово – 18, Тетово – 7, Прилеп – 12, Гостивар – 14, Штип – 8, Битола – 11, Велес – 13, Струмица – 13, Кавадарци – 19, Кочани – 6, Кичево – 8, Свети Николе – 1, Гевгелија – 2, Неготино – 2, Крива Паланка – 8, Радовиш – 6, Берово – 3, Пробиштип – 5 Богданци – 2 и по еден во Валандово, Кратово и Пехчево.

Починати се 15 лица, пет пациенти од Скопје (65, 64, 82, 60 и 66 години), еден од Куманово (73), три пациенти од Тетово (78, 36 и 61 година), еден од Прилеп (69), еден од Кавадарци (73), еден од Кичево (51), еден од Крива Паланка (79), еден од Делчево (46) и еден пациент од Кратово (59). Од нив двајца се починати вон, останатите се починати во болнички услови.

Вкупната бројка на ковид-дијагностицирани во нашата земја од почетокот на епидемијата изнесува 89.817, бројката на оздравени пациенти е 75.387, на починати е 2.754, а бројот на активни случаи изнесува 11.676. Од вчера се евидентираат два контролни теста, а според досега завршените епидемиолошки анализи во моментов статистиката по градови е следна:

• Скопје 39.024, активни 6.767
• Куманово 5.062, активни 429
• Тетово 4.994, активни 463
• Прилеп 4.497, активни 269
• Гостивар 3.552, активни 308
• Штип 3.454, активни 166
• Битола 3.178, активни 219
• Велес 2.980, активни 307
• Охрид 2.684, активни 387
• Струмица 2.487, активни 360
• Кавадарци 2.430, активни 365
• Струга 2.162, активни 185
• Кочани 1.704, активни 116
• Кичево 1.681, активни 151
• Свети Николе 1.062, активни 48
• Гевгелија 957, активни 117
• Неготино 948, активни 155
• Дебар 725, активни 106
• Ресен 715, активни 116
• Крива Паланка 708, активни 66
• Радовиш 679, активни 50
• Берово 571, активни 52
• Делчево 541, активни 157
• Пробиштип 489, активни 35
• Виница 479, активни 43
• Валандово 325, активни 23
• Демир Хисар 242, активни 14
• Македонски Брод 239, активни 14
• Богданци 214, активни 30
• Кратово 210, активни 14
• Крушево 196, активни 37
• Македонска Каменица 190, активни 48
• Демир Капија 180, активни 37
• Пехчево 177, активни 15
• Дојран 81, активни 7

Направените 1.906 тестови се преку: ИЈЗ – 468, ЦЈЗ Скопје – 48, Авицена – 183, Биотек – 134, МАНУ – 120, Жан Митрев (Филип Втори) – 83, Систина со PCR метода – 166, лабораторија Лаор – 52, Судска медицина – 9, ЦЈЗ Битола – 60, Инфективна клиника – 5, Синлаб – 38, Ремедика – 16, лабораторија болница Козле – 19, ЈЗУ (рапид тест) – 504, УК Пулмологија со алергологија – 1. Досега во земјата се направени вкупно 437.267 тестирања на Ковид-19.

Голем пожар избувна денес во Индискиот институт за серуми (SII), фабрика за производство на вакцини во градот Пуна.

Пожарот го гаснат повеќе пожарникарски екипи, соопшти началникот на противпожарната служба.

Три лица биле спасени од зградата, а причината за пожарот сè уште не е позната. Според последните информации, пренесени од „Тајмс оф Индија“, загинале пет лица. Информацијата дека има мртви ја потврди и извршниот директор на компанијата, Адар Пунавала.

We have just received some distressing updates; upon further investigation we have learnt that there has unfortunately been some loss of life at the incident. We are deeply saddened and offer our deepest condolences to the family members of the departed.

— Adar Poonawalla (@adarpoonawalla) January 21, 2021

Пожарот не ги зафатил магацините во кои имало околу 50 милиони дози од вакцината „Ковишилд“, ниту, пак, погоните во кои се произведува вакцината против Ковид-19, објави телевизијата НДТВ, повикувајќи се на извор од институтот. Уништени се неколку ката.

Индискиот институт за серуми е најголемиот производител на вакцини во светот. Оваа година планира да произведе милијарда дози вакцини против Ковид-19.

Индија планира да вакцинира 300 милиони луѓе до август. Го има вториот најголем број на заразени лица од почетокот на пандемијата, по САД.

Регистрирани се повеќе од 10,5 милиони случаи, а починале 153.000 луѓе.