Вработена на Институтот за радиологија при комплексот клиники „Мајка Тереза“ синоќа била нападната од страна на пациент.

Според информациите, В. Н. (42) пријавила дека околу 14.30 часот, додека била на своето работно место, дошол И. Р. и почнал агресивно да се однесува кон неа.

Се работи на расчистување на случајот.

На стариот магистрален пат Штип – Радовиш, кај Пиљаф Тепе, Штипско, е пронајдена стара неексплодирана направа – артирелиска граната од Првата светска војна.

Според информациите, гранатата пред два дена ја пронашол Т. Ѓ. и ја пријавил во СВР Штип.

Увид извршила екипа на СВР Штип, а пронајдената граната е обезбедена и предадена на Дирекцијата за заштита и спасување за понатамошна постапка.

На булеварот Илинден во Скопје денеска полицијата ја лишила од слобода О.Ј.(69) од Скопје.

Како што информираат од МВР, за неа била распишана централна потерница, по наредба од Основен суд Скопје 1 за издржување  казна затвор од една година во врска со сторени тешки дела против безбедноста на луѓето и имотот во сообраќајот.

Скопјанката била приведена во полициска станица по што ќе биде спроведена во затвор за издржување на казната.