Контакт

Топ

Запален автомобил на адвокат од Охрид

Објавено пред

Ноќеска по полноќ бил запален автомобилот на адвокатот Мишел Наумоски од Охрид. Тој за „Макфакс“ вели дека бил паркиран на улицата Партизанска во центарот на Охрид и го потврди настанот.

Автомобилот бил запален со експлозивна направа и заплива течност. Адвокатот Наумоски вели дека сторителите се непознати, но снимени на безбедносни камери. Причината е непозната, а неофицијално се поврзува со професионалниот ангажман на Наумоски.

Опожареното возило било целосно оштетено, а во гаснењето на огнот учествувале екипи на противпожарната бригада. На увид излегле екипи на СВР Охрид. Во моментот се врши вештачење на опожареното возило.

Uncategorized

Амнестија во текот на судскиот процес, прекин на постапката за тие што не тепале на 27 април?

Објавено пред

Кој ќе се спаси од кривична одговорност за инцидентите од 27 април, најверојатно ќе се утврдува според обвинителниот акт, односно кривичното дело за кое се обвинети или осудени. Од координативното тело за помирување и интеграција кое ги подготвува препораките за амнестија, брифираат дека има согласност да се направи дистинкција меѓу лицата кои биле насилни и оние кои упаднале во Собранието, но не тепале. Не ја отфрлаат можноста, предлогот кој ќе биде разгледан деновиве на првиот состанок на ова тело, да има препорака за прекин на постапката против лицата кои не биле насилни. Со ова се отфрла втората можност, амнестијата да важи по завршувањето на судскиот процес против 30 лица кои се гонат за терористичко загрозување на уставниот поредок. Од Телото за помирување повторуваат дека целта не им е да се мешаат во работата на судот, но нивниот предлог, како што велат, е во насока на помирувањето што го иницираа како еден од условите да гласаат за отворање на Уставот.

Во оваа насока е изјавата и на министерката Дескоска, која порача дека амнестијата за 27 април треба да биде врз основа на обвинителниот акт, односно во зависност од тоа за кое дело лицата се обвинети или осудени, и дека тоа е во надлежност на собраниското тело кое го подготвува законот, посочувајќи ги како пример веќе донесените пресуди за насилство врз пратеникот Села и министерката Шекеринска.

Процесот за 27 април сè уште е во тек, утре продолжува рочиштето на кое треба да продолжи презентирање на СМС и вибер-комуникацијата од мобилните телефони на обвинетите, додека в понеделник, на 26 ноември, треба да заврши одбраната на пратениците Крсто Мукоски, Сашо Василевски, Љубен Арнаудов и Јохан Тарчуловски. Дел од обвинетите веќе ги повлекле доказите, иако не откриваат дали тоа е поврзано со најавената амнестија. Дел од обвинетите, пак, велат дека не знаат дали ќе бидат опфатени со амнестијата, а некои од нив велат и дека не сакаат да се мешаат во политичките одлуки.

„Не знам дали ќе бидам опфатен, јас не изготвувам никаков закон, можам да кажам дека слободата е вистинска правда за тие што сме неправилно обвинети“, рече Богдан Илиевски, еден од организаторите на протестите „За заедничка Македонија“.

„Јас својата невиност сакам да си ја докажам пред судот, не можам, а не сакам ни да се мешам во политички одлуки. Јас сум полицаец што постапувал по своите задачи, одлуката за амнестијата ѝ ја препуштам на комисијата што преговара“, рече Горан Ѓошевски, шеф на обезбедувањето на Трајко Велјаноски.

Претходно премиерот Зоран Заев порача дека е прифатлив закон за амнестија, освен за насилниците од 27 април, ако на тој начин, како што кажа, може да се постигне помирувањето за кое се залагаат заедно со осумте пратеници од опозицијата кои гласаа за почнување на процесот на уставни измени.

Прикажи повеќе...

Македонија

Влада: Очекуваме Будимпешта да го предаде Груевски во Македонија

Објавено пред

Владата соопшти дека официјално покрај протестната нота доставена вчера за улогата на амбасадите на Унгарија во бегството на Груевски од земјата, испратила и барање за екстрадиција проследено со севкупната документација за процесите и пресудата.

„Очекуваме дека властите во Будимпешта безусловно ќе го прифатат барањето за екстрадиција и во согласност со почитувањето на меѓународното право како земја членка на ЕУ и НАТО ќе овозможат враќање на Груевски во Македонија со цел да си ја отслужи казната затвор и да одговара за останатите дела за коишто е обвинет“, велат од Владата по потврдата дека Груевски добил азил во Унгарија.

Владата додава дека експремиерот е осуден со правосилна пресуда во јавен и транспарентен процес, а истовремено против него се водат уште неколку судски постапки, истраги и уште една предистражна постапка.  Тој бил под полициска заштита, согласно правата кои му следувале како поранешен премиер, и во ниту една ситуација немало пријавено закани по неговиот живот.

„Против Никола Груевски никогаш не бил воден никаков политички прогон и не се евидентирани никакви закани по неговиот живот, ниту, пак, која било владина институција вршела закани по неговиот живот. Оттука констатираме дека единствена цел на Груевски е избегнување на правдата“, се вели во соопштението на Владата.

Оттаму додаваат дека Македонија е правна држава во којашто владеат законите, а секој оној за којшто се докажало дека ги прекршил законите и секој оној за којшто има правосилна пресуда, ќе одговара за своите постапки.

Прикажи повеќе...

Бегството на Груевски

Груевски: Добив азил во Унгарија, продолжувам да ја барам правдата

Објавено пред

Поранешниот премиер Никола Груевски, на неговиот „Фејсбук“ профил, ги потврди информациите дека добил политички азил во Унгарија. Тој себе си се опишува како жртва на политички прогон и тврди дека во затворот во Скопје му подготвувале ликвидација.

Неговиот „Фејсбук“ статус го пренесуваме во целост.

„Денес, Република Унгарија, земја членка на ЕУ и НАТО, одговори позитивно на моето претходно поднесено барање за добивање политички азил поради политичкиот прогон во Република Македонија.

Во барањето за политички азил наведов дека го барам поради политичкиот прогон од новата Влада предводена од партијата СДСМ.

Наведов дека Владата сака да ми ја одземе слободата користејќи недемократски чекори и методи и злоупотребувајќи го обвинителскиот и судскиот систем во Македонија.

Објаснив како сè почна – со почетокот на објавувањето на нелегално стекнатите аудиоматерјали, назначувањето специјален јавен обвинител, кој стана партиска алатка на партијата СДСМ, исто како и судот, ги опишав сите неправди, нерегуларности, незаконското работење, дискриминацијата, конструираните судски процеси и пресуди, конкретните судски постапки против мене и тортурата која по формирањето на новата Влада, ја трпам јас, но и голем број други мои соработници давајќи конкретни примери и конкретни докази и завршив со многуте закани за мојот живот со кои се соочував во последните денови пред да ја напуштам Република Македонија.

Посочив и приложив конкретни примери дека во Република Македонија не постојат услови за фер и законски судски процес ниту, пак, начин во една ваква атмосфера на политичка хајка од страна на Владата да го заштитам мојот живот од многуте закани што ми беа упатени.

Во Македонија се соочив со судии кои за секое мое барање или на мојата одбрана чекаат инструкции од Владата како да одлучат или, пак, од специјалниот јавен обвинител, од кого и самите судии се плашат и кого го гледаат како претставник на актуелната влада.

Посебно ги објаснив неколкуте фундаментални прекршувања на законите, меѓу кои, спротивно на законот, користењето нелегално стекнати аудиоматеријали, кои под надворешен притисок, судот ги прогласи за легални, користењето копии, кои не се споредени со оргиналот како докази врз основа на кои се носат пресуди, користењето вештаци, кои спротивно на законот прават вештачења без лиценца за вештачење, флагрантното кршење на законот за приватност и игнорирањето од страна на судот на сето ова, работењето на македонските судови спротивно на праксата на судот во Стразбург, како што е примерот со отфрлањето на актите за прекин на постапка издадени од страна на претседателот на Македонија во два конкретни случаја и нивно прифаќање во земја членка на ЕУ, недавањето можност и доволно време за подготовка на одбраната преку свесно набивање судења секој ден, понекогаш и по цели денови, издаденото мислење на Комисијата за заштита од дискриминација, која наведе дека сум предмет на директна дискриминација од страна на судијата Добрила Кацарска и од страна на Основниот суд Скопје 1, објавувањето на пресудата за случајот „Тенк“ во смисла дека ќе бидам прогласен за виновен од страна на актуелниот премиер 10-ина дена пред судијата да ја објави одлуката и огромен број други факти и докази што ги образложив и од кој се состави огромен записник од над 30 страници.

Судот и Обвинителството се претворија во инструмент за политичка уцена и пресметка со политичките неистомисленици, како и покривање на неработењето на Владата.

Последните одмазднички притвори на Миле Јанакиески и Кирил Божиновски, кои очигледно се притворени само за Владата да ја ублажи критиката по моето заминување од земјата и барање политички азил поради политички прогон, со лажни, фабрикувани и непостојни докази, само ја потврдуваат атмосферата во која денес живее Република Македонија.

Денес, во Република Македонија се живее во услови на репресија од страна на Владата, дискриминација, прогон, политички апсења и целосна контрола на Владата врз судскиот и обвинителниот систем, вадење и ставање во притвор или затвор според политичките пригоди и потреби.

Наместо унапредување на судскиот систем, Македонија има уназадување. Судот и Обвинителството се користат како политичка алатка на Владата за остварување на своите политички цели и уцени.

Јас одлучив да се спротивставам на сето ова и со мојот чекор да го издигнам ова прашање на повисоко ниво. Некој може да ме сака или да не ме сака, да се согласува или да не се согласува со мене, да смета дека водам добри или лоши политики, но не може да го негира или да ги затвори очите пред она што се случува во Македонија во овој период, а кој јас го опишувам.

Јас одлучив да не му ја исполнам желбата на СДСМ и додека тој ги разграбува и ги распродава државата и националните интереси, да седам затворен со политичка одлука и секојдневно да се борам за преживување во затворот за каде што добив сознание дека ми се подготвува ликвидација.

Одлучив да ја продолжам борбата за македонската кауза, за каузата на Република Македонија, на начин на кој единствено можам во моментот, на начин на кој многу други личности низ историјата кога имале можност го правеле. И како што кажав во претходната објава, јас никогаш нема да се откажам од таа кауза.

Јас не избегав од правдата, туку користејќи други меѓународно правно регулирани методи, продолжувам да ја барам правдата и за мене и за сите други жртви на политичкиот прогон во Македонија.

Јас до последен момент, иако гледав колку неправедно ме обвинуваат и судат, иако беше видливо дека судиите уште пред да го почнат судењето и пред да ги разгледаат доказите, ја знаеја пресудата, секојдневно, како никој досега, се соочував со правдата сè до моментот кога актуелната Влада не одлучи неправедно и со политичка одлука да ме стави во затвор, а потоа и да ме ликвидира.

Јас јавно кажав дека сум подготвен да одам во затвор доколку Заев се откаже од погубните политики за Македонија и малтретирањето други луѓе.
Но, тој очигледно сака сè. Сака и да ја реализира распродажбата на националните интереси, и да го реализира разграбувањето на државата, и да ги суди и осуди стотици мои соработници и мене да ме затвори и ликвидира.
Одлучив да се борам и да му се спротивставам на овој кукавица, кој безочно секојдневно го лаже и краде својот народ и ја злоупотребува државната функција на која дојде на нечесен начин.

Македонија не смее да остане земја каде што Владата владее со судскиот систем и каде што има политички прогони секој ден. Огромен број луѓе се под политички прогон во Македонија. Тоа мора да запре.

Македонија треба да стане членка на НАТО и ЕУ, но не смее да се дозволи под превезот на оваа цел актуелната недемократска власт да се пресметува со политичките неистомисленици и да им конструира судски случаи и затворски казни со цел да може непречено да прави криминал, корупција и распродажба на државните и националните интереси“, напиша Груевски на социјалната мрежа „Фејсбук“.

Прикажи повеќе...

Најново

Uncategorized20 минути

Амнестија во текот на судскиот процес, прекин на постапката за тие што не тепале на 27 април?

Кој ќе се спаси од кривична одговорност за инцидентите од 27 април, најверојатно ќе се утврдува според обвинителниот акт, односно...

Македонија21 минута

Влада: Очекуваме Будимпешта да го предаде Груевски во Македонија

Владата соопшти дека официјално покрај протестната нота доставена вчера за улогата на амбасадите на Унгарија во бегството на Груевски од земјата,...

Бегството на Груевски2 часа

Груевски: Добив азил во Унгарија, продолжувам да ја барам правдата

Поранешниот премиер Никола Груевски, на неговиот „Фејсбук“ профил, ги потврди информациите дека добил политички азил во Унгарија. Тој себе си...

Бегството на Груевски2 часа

Министерството за правда го испрати барањето за екстрадиција на Никола Груевски

Министерството за правда го испрати барањето за екстрадиција на Никола Груевски до Министерството за правда на Република Унгарија. „Барањето за...

Бегството на Груевски2 часа

Исполнети се условите за Груевски да стане азилант во Унгарија, пишуваат унгарските медиуми

Експремиерот Никола Груевски и официјално е азилант во Унгарија, објавуваат унгарските медиуми повикувајќи се на се уште непотврдени информации кои...

Македонија5 часа

Сведокот ги препозна двајцата напаѓачи што го претепаа Никола Саздовски

На денешното рочиште за убиството на 20-годишниот навивач на групата „Комити“ повеќе од два часа сведочи сведокот Миле Алексовски, кој...

Свет5 часа

(Видео) Девојка со српско потекло меѓу убиените во Чикаго

Една од трите жртви на пукањето во болницата „Мерси“ во Чикаго е 25-годишна девојка со српско потекло, пишуваат српските медиуми....

Македонија6 часа

При апсењето на Бошкоски пронајдени се пиштол и хрватски пасош

Денешното рочиште за случајот „Тортура“, кој се однесува на апсењето на претседателот на партијата ОМ, Љубе Бошкоски, продолжи со репродуцирање...

Афера „Банки“6 часа

(Видео) Афера „Банки“ – како банката му ја одзеде болницата на доктор Адил Мустафа!?

Приватната болница „Шендети“ во Мала Речица, Тетово, неколку години по отфрлената кривична пријава од Обвинителството, остана со катанец на вратата....

Бегството на Груевски7 часа

(Видео) Дескоска: Ќе бараме екстрадиција на Груевски и да му е доделен азил

Македонија, денеска, или најдоцна утре ќе го достави барањето за екстрадиција на поранешниот премиер Никола Груевски. Министерката за правда, Рената...

Бегството на Груевски7 часа

Груевски добил азил во Унгарија?

Канцеларијата за имиграција и азил во Унгарија донела одлука за барањето на бегалецот Никола Груевски, но оттаму, нема детали дали...

Европа8 часа

(Видео) Избоден полицаец во напад во Брисел, напаѓачот повреден

Во историскиот центар во Брисел утрово непознат напаѓач со нож нападна еден полицаец кој се збоди со повреди. По нападот...

Македонија8 часа

Дисциплинска за полицаец кој употребил сила врз актерката Ирена Ристиќ

Одделот за внатрешна контрола при МВР поведе постапка за дисциплинска одговорност на полицаец од полициската станица Центар, кој пред два...

Македонија8 часа

Вучиќ: Груевски во Србија влезе со важечки документи, прашање е како ја напуштил Македoнија

Претседателот на Србија, Александар Вучиќ изјави синоќа дека поранешниот премиер Никола Груевски со регуларни документи влегол во Србија, дека во...

Македонија20 часа

ДЗС: Спасени четири лица завеани на Пелистер

Подрачното одделение Битола при Дирекцијата за заштита и спасување од СВР Битола доцна синоќа, во 00:30 часот, добило известување дека...

Свет21 час

Путин: Повлекувањето на САД од договорот не може да остане без наш одговор

Рускиот претседател, Владимир Путин, изјави дека Кремељ ќе има одговор доколку САД се повлечат од договорот за нуклеарните сили со...

Македонија23 часа

„Груевски е ВИП-мигрант на Орбан“ – унгарската опозиција постави транспарент на зградата на парламентот

Унгарската опозиција ги критикуваше потезите на владата на премиерот Виктор Орбан во врска со барањето  азил на поранешниот македонски премиер...

Македонија23 часа

МНР му врачи протестна нота на унгарскиот амбасадор поради бегството на Груевски

Во Министерството за надворешни работи денеска беше повикан амбасадорот на Унгарија во Република Македонија, Ласло Дукс, на средба кај државниот...

Македонија1 ден

Министерот Филипче и градоначалникот Темелковски ќе се соочат со граѓаните за дислокација на Центарот за зависници

Решение на проблемот со Центарот за зависници е најдено, а на граѓаните заеднички ќе им го презентираат градоначалникот на општината,...

Регион1 ден

Дармановиќ: Кога Груевски помина низ Црна Гора, немаше потерница по него

Македонија не издаде никакви сигнали со кои на другите земји ќе им даде до знаење дека експремиерот, Никола Груевски, е...

Досие