Црна хроника
Запленети марихуана и стебла канабис во Прилепско, дилерот притворен
Надворешната канцеларија за криминалистички работи Прилеп поднесе кривична пријава до ОЈО Прилеп против Т.Н. (53) од Прилеп поради неовластено производство и продажба на дрога.
По добиени оперативни сознанија дека пријавениот се занимава со нелегално производство и пуштање во промет на опојна дрога марихуана, на 2.9.2020 со наредба за претрес на дом и други простории извршени се претреси во домот на пријавениот во Прилеп и во викенд-куќата во место викано Кишовица. При извршените претреси, во викенд-куќата и во дворот се пронајдени марихуана и 59 стебла канабис.
Судија на претходна постапка во Основен суд Прилеп му определи мерка притвор на Т.Н. од 30 дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се судрија возило „ пасат“ и мотоцикл: мотоциклистот од Кавадарци тешко повреден
Синоќа во 20.45 часот во ОВР Неготино било пријавено дека на крстосницата од улиците „Индустриска“ и „Маршал Тито“ во Неготино, се случила сообраќајна несреќа помеѓу патничко возило „пасат“ со винички регистарски ознаки, управувано од Ф.А.(29) од Виница и мотоцикл „сузуки“ со кавадаречки регистарски ознаки, управуван од А.К.(54) од Кавадарци.
Во несреќата со тешки телесни повреди се здобил возачот на мотоциклот, констатирани во болницата во Кавадарци.
Увид извршила увидна екипа од ОВР Неготино.
Топ
Загина кумановец: со мотоцикл излетал од патот
Вчера во 16.32 часот во СВР Битола било пријавено дека на патот А-3 Битола- Ресен се случила сообраќајна несреќа, во која Д.С.. (40) од Куманово управувајќи мотоцикл „кавасаки” со кумановски регистарски ознаки, изгубил контрола и излетал од патот.
Од страна на доктор од Итна медицинска помош Битола кај возачот е констатирана смрт на местото на настанот.
Увидот го извршила увидната екипа на СВР Битола, во присуство на јавен обвинител.
Црна хроника
Приведен бегалец од затвор: бил баран со потерница за доиздржување на над четири години казна
Денеска во Скопје од страна на полициски службеници од Единицата за интервентна полиција при СВР Скопје од слобода е лишен С.Б. (30) од Скопје, кој бил баран по централна потерница од МВР, а по наредба од КПУ Идризово поради бегство од затворот.
С.Б. е осуден на казна затвор од седум години и шест месеци поради сторено кривично дело по член 215 ст. 1 од КЗ, а за доиздржување има четири години, три месеци и 12 дена.
Лицето ќе биде предадено на надлежната казнено поправна установа, соопшти полицијата.