Надворешната канцеларија за криминалистички работи Гостивар поднесе кривична пријава против 70-годишниот С.Х. од Тетово, поради постоење основи на сомнение за сторени кривични дела „кражба“ и „навлегување во компјутерски систем“.

Според полицијата, на 11 ноември 2025 година, во Општата болница во Гостивар, пријавениот одзел паричник од И.П. (69), во кој имало 15.000 денари, лични документи и банкарска картичка.

По кражбата, како што се наведува, тој подоцна ја злоупотребил банкарската картичка и од банкомат на банка во Тетово во два наврата подигнал 41.600 денари. Со тоа, на оштетената ѝ била нанесена вкупна материјална штета од 56.600 денари.

Полицијата поднесе кривична пријава против 46-годишниот С.Г. од Кочани, поради постоење основи на сомнение за сторено кривично дело „предизвикување општа опасност“.

Според информациите од полицијата, на 11 март 2026 година, пријавениот без надзор го пуштил своето куче на улица. Во тој момент, кучето нападнало две лица – Ѓ.Д.А. и нејзината 13-годишна ќерка.

Од полицијата посочуваат дека по документирањето на случајот е поднесена соодветна пријава против лицето.

Вчера вечер, во 22:15 часот во Скопје, полициски службеници од СВР Скопје го уапсија И.К.(27) од Скопје, постапувајќи по претходна пријава дека го нарушил јавниот ред и мир, агресивно се однесувал и нападнал полициски службеници додека извршувале службени дејствија.

При апсењето, тој го оштетил и службеното возило на МВР.

Тој е задржан во полициска станица и по целосно документирање на случајот, ќе следува соодветна пријава.