Црна хроника
Казни за 400 возачи на мотоцикли, 84 возеле без дозвола

Во периодот од 6.6.2022 до 12.6.2022 била спроведена засилена акциска контрола на територијата на Република Северна Македонија за санкционирање прекршоци што ги прават возачите на мотоцикли, при што биле санкционирани 400 возачи, соопшти МВР.
Од нив, 242 возачи не користеле заштитна кацига за време на возење, 84 возеле без возачка дозвола, 13 мотоцикли се одземени поради истечена сообраќајна дозвола, 18 поради истечена осигурителна полиса, 14 мотоцикли биле нерегистрирани, а санкционирани се и други прекршоци.
Засилените акциски контроли продолжуваат и во наредните денови, најави полицијата. Апелира до сите учесници во сообраќајот да ги почитуваат сообраќајните правила и прописи за побезбедни патишта.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Казнети 66 возачи во Ченто, одземени едно возило и еден мотоцикл

Денеска (26.06.2022) во периодот од 10.00 до 16.00 часот Одделението за безбедност на сообраќајот на патиштата спроведе засилена акциска контрола во делот на сообраќајот на територијата на Општина Гази Баба, односно населба Ченто.
При контролата санкционирани се вкупно 66 возачи, од кои 15 за возење без возачка дозвола, четири за нерегистрирани возила, три санкции за возач почетник, две мерки за користење мобилен телефон, седум возачи на мотоцикли поради неносење заштитна кацига… Едно патничко моторно возило е одземено и еден мотоцикл поради истечена сообраќајна дозвола и предизвикување голема бучава.
МВР апелира до граѓаните да ги почитуваме сообраќајните правила и прописи за да ја зголемат безбедноста во сообраќајот и заедно да придонесат за посигурни патишта.
Црна хроника
98 казни за брзо возење на автопат Куманово – Скопје – Велес

Денеска (26.06.2022) во периодот од 09.00 до 15.00 часот Мобилната единица за безбедност на сообраќајот на патиштата спроведе засилена акциска контрола на автопатот Куманово – Скопје – Велес за санкционирање на возила кои се движат со брзина поголема од дозволената, при што санкционирани се 98 возачи. Од нив, 18 возила се движеле со брзина над 50 километри на час повеќе од дозволеното, а три возила се движеле со дури над 70 километри на час повеќе од дозволената брзина.
МВР апелира до сите учесници во сообраќајот да ги почитуваат сообраќајните правила и прописи и заеднички да придонесат за побезбедни патишта.
Црна хроника
Притвор за пазарџијата кој со комбе се обиде да прегази инспектори и полицаец во Прилеп

Ресенчанецот кој вчера со комбе се обиде да прегази инспектори и полициски службеник откако бил отстранет од Градскиот пазар Припел каде продавал производи, се здоби со мерка притвор во КПУ Затвор Битола.
СВР Битола-ОВР Прилеп до Основното јавно обвинителство Прилеп поднесе кривична пријава против Н.К.(53), поради постоење на основи на сомнение за сторено кривично дело „загрозување на сигурноста” и две кривични дела „напад врз службено лице при вршење работи на безбедноста”.
Од МВР информираат дека полицискиот службеник испукал со пиштол во гумите на возилото.