Сашо Трајковски, инженер во поранешната УБК, сведок на СЈО во предметот „Таргет – Тврдина“, во исказ пред судот рече дека со колегите гледале како ексдиректорот на УБК, Сашо Мијалков, и поранешниот началник на Петтата управа во УБК, Горан Грујевски, од своите компјутери се логираат на системот за следење на комуникациите.

„Се логираа од компјутери што беа поврзани на системот ‘Најс’“, рече сведокот пред судот.

Трајковски на прашање на СЈО рече дека Мијалков и Грујевски се најавувале од четвртата зграда во МВР од првиот кат, каде што бил кабинетот на директорот на тајната полиција, и од третата зграда од првиот кат во т.н. началничка канцеларија за што во системот биле генерирани соодветни букви кои асоцирале кој од каде се логира да следи.

Трајковски, кој е трет сведок на СЈО во постапката, ги појаснуваше значењата на корисничките имиња преку кои се логирале корисниците на овој систем. Тој рече дека броевите што требало да бидат ставени на системот за прислушување биле давани на обично ливче, а во најмалку еден случај за тоа видел писмена наредба, т.е. одобрение од суд.

Сведокот рече дека Мијалков и Грујевски можеле да ги слушаат разговорите и да ги гледаат сите таргети што биле ставени во системот на групата наречена „важно“, но не можеле да маркираат броеви и да ги експортираат податоците.

Првото рочиште за предметот се одржа на 17 јануари 2018 година, а постапката беше закочена неколку месеци поради сослушување на првите двајца сведоци на СЈО, Ѓорѓи Лазаревски и Звонко Костовски.

Обвинението за овој предмет СЈО го подигна на 30 јуни 2017 година. Според обвинителниот акт, преку три системи за следење на комуникациите во УБК, во периодот од 2008 до 2015 година незаконски биле следени 4.286 телефонски броеви за кои воопшто не биле издадени судски наредби.

Комуникацијата била следена пред да бидат издадени и по завршување на траењето на важноста на судските наредби на 1.541 број или вкупно 5.827 телефонски броеви. Прислушувани биле над 20 илјади граѓани.

Поранешниот претседател на УЕФА и легенда на францускиот фудбал, Мишел Платини, е уапсен во Нантер, предградие на Париз, поради одлуката да му се додели Светското првенство во фудбал во 2022 година на Катар.

Поранешниот капитен на француската репрезентација е приведен од страна на француската полиција како дел од истрагата во одлуките на ФИФА, особено доделувањата на СП на Русија во 2018 и на Катар во 2022 година.

63-годишниот Платини беше претседател на УЕФА од јануари 2007 до 2016 година кога самиот се повлече по добивањето суспензија од шест години за примање парични средства од ФИФА, тогаш под водство на контроверзниот Сеп Блатер. Оваа суспензија беше намалена на четири години и тој најави враќање во фудбалот.

Бројот на загинати во двата силни земјотреса во Кина се искачи на 12, а бројот на повредени на 134. Спасителите успеале некои од преживеаните да ги извадат од урнатините, објавија тамошните медиуми.

Quake hits Sichuan,China,my hometown. Earthquake warning sounds terrible. When it counts down, I mistakenly thought it is a air strike. Just like it's the end of the world. pic.twitter.com/U4KqKHVuuI

— [email protected]&# (@Felix88263234) June 17, 2019

Југозападната кинеска провинција Сечуан ја погодија два земјотреса кои се случија еден по друг во период од половина час, а потресите се почувствуваа во клучните градови во регионот, вклучително и во главниот град на провинцијата Ченгду.

Според Американскиот геолошки институт, по земјотресот со јачина од 5,9 степени, следувал помал со јачина од  5,2 – и двата на длабочина од десет километри и со епицентар во близина на округот Чанинг.