Официјален Минск од следната година ќе воведе ембарго на стоки од земји кои водат непријателска политика кон Белорусија, соопшти прес-службата на Советот на министри.

Според декретот на белоруската Влада објавен денеска, забраната за увоз се однесува на одредени стоки од ЕУ, САД, Канада, Норвешка, Албанија, Исланд, Велика Британија, Црна Гора, Северна Македонија и Швајцарија, пренесе агенцијата ТАСС.

„Имајќи ги предвид континуираните обиди на колективниот Запад за незаконски санкционен притисок врз нашата земја, Белорусија презеде соодветни мерки. Според одлуката донесена од Владата, ембаргото за храна ќе биде воведено од 1 јануари 2022 година во однос на широка листа на стоки произведени во земји кои спроведуваат дискриминаторска политика и вршат непријателски дејствија против нашата земја“, се наведува во соопштението.

Белорусија од овие земји увезла храна во износ од над 530 милиони долари во рок од десет месеци годинава, соопшти белорускиот Совет на министри.

Листата вклучува прехрамбени производи особено свинско месо, говедско месо, сушено или чадено месо, колбаси, зеленчук, овошје, јаткасти плодови, кондиторски производи, сол итн.

Европската централна банка (ЕЦБ) во понеделникот објави дека планира да ги редизајнира банкнотите на еврото во следните три години за да ги доближи до Европејците од сите возрасти и потекла.

Фокус групите на ЕЦБ ќе соберат јавни предлози за изгледот на новите банкноти во 19 земји кои досега го прифатија еврото, соопшти ЕЦБ. Новиот дизајн ќе ги замени прозорците, портите и мостовите од различни архитектонски стилови кои ги красат евробанкнотите од нивното воведување во 2002 година, пишува „Ројтерс“.

„По 20 години, време е да се преиспита изгледот на нашите банкноти за да им се доближи на Европејците од различни возрасти и потекла“, изјави претседателката на ЕЦБ, Кристин Лагард. Оригиналниот дизајн означува единство и отвореност, а во исто време е доволно апстрактен да не може да се поврзе со ниту една членка на Европската Унија.

Но во меѓувреме, многу владини агенции настојуваа да се нагласува различноста и инклузивноста при дизајнирањето на нови банкноти, а американското Министерство за финансии ја избра афро-американската активистка против ропството Хариет Табмeн за својата банкнота од 20 долари.

Советодавната група која се состои од експерти од секоја земја од еврозоната ќе ги скрати темите и ќе ги достави до Управниот совет на ЕЦБ, кој ќе побара јавно мислење пред да објави конкурс за дизајн. По дополнителна јавна консултација, Управниот совет ќе донесе конечна одлука до 2024 година. На последниот конкурс во 1996 година победи решението на австрискиот дизајнер Роберт Калина.

Министерството за здравство информира дека во последните 24 часа направени се 2.744 тестирања, а регистрирани се 375 нови случаи на Ковид-19 во: Скопје – 180, Прилеп – 30, Битола – 28, Кавадарци – 26, Куманово – 13, Велес – 12, Радовиш – 11, Делчево – 9, Кочани и Валандово по 8, Крива Паланка и Ресен по 7, Охрид – 5, Тетово и Македонски Брод по 4, Гостивар, Штип, Кичево, Демир Хисар и Македонска Каменица по 3, Струмица и Гевгелија по 2 и по еден зарезен во Струга, Неготино, Крушево и Пехчево.

Во текот на изминатите 24 часа регистрирани се 9 починати лица – тројца починати од Скопје (87, 78 и 62 години) и по едно починато лице од Кавадарци (60), Струга (83), Струмица (72), Кочани (59), Штип (73) и Свети Николе (86). Сите пријавени лица се починати во болнички услови.

Дополнително, согласно Регистарот на починати со дијагноза Ковид-19 од „Мој термин“, пријавени се 7 починати лица во периодот од 22 ноември до 4 декември. Меѓу починатите двајца се од Велес и по еден од Скопје, Гостивар, Охрид, Струмица и Кичево. Тие биле на возраст од 44 до 82 години, при што две лица починале во домашни, а останатите петмина во болнички услови.

Во изминатото деноноќие регистрирани сe и 507 оздравени пациенти од: Скопје – 246, Битола – 43, Прилеп – 25, Куманово – 22, Охрид – 18, Кавадарци – 17, Велес – 15, Тетово – 14, Делчево – 13, Кочани и Струмица по 10, Крива Паланка – 9, Штип и Свети Николе по 7, Радовиш и Гевгелија по 6, Ресен – 5, Валандово, Струга, Неготино и Берово по 4, Виница и Кратово по 3, Демир Хисар, Македонска Каменица и Пробиштип по 2 и по еден оздравен од Македонски Брод, Гостивар, Кичево, Дебар, Богданци и Демир Капија.

Направените 2.744 тестови се преку: ИЈЗ-298, ЦЈЗ Скопје-65, ЦЈЗ Битола-97, ЦЈЗ Прилеп-35, ЦЈЗ Тетово–7, ЦЈЗ Куманово-70, лабораторија болница Козле-16, Институт за микробиологија–5, Жан Митрев (Филип Втори)-96, Авицена-114, Биотек-205, Систина-58, лабораторија Лаор-85, Синлаб-26, Ремедика-23, Плодност–32, Генеа-9, Никоб лаб-275, ВФВ Медикал-37, Ели Медика-42, Ројал Медика–41, Спектра-ММ-7, Рапид Лаб–3, Жан Митрев Струмица–9, Нова Лаб Дијагностика–7, ЈЗУ и ПЗУ (рапид тест) – вкупно 1.082.

Досега во земјата се направени вкупно 1.488.688 тестирања на Ковид-19. Вкупната бројка на ковид-дијагностицирани од почетокот на епидемијата изнесува 217.775, бројот на оздравени пациенти е 204.474, на починати е 7.674, а бројот на активни случаи изнесува 5.627.

Според епидемиолошките анализи во моментот, дистрибуцијата по градови е следна:

Скопје 95291, Активни 2698
Куманово 12954, Активни 192
Тетово 11348, Активни 93
Прилеп 10348, Активни 326
Битола 8851, Активни 506
Гостивар 8072, Активни 20
Велес 7354, Активни 171
Кавадарци 7076, Активни 236
Штип 6617, Активни 111
Охрид 6527, Активни 186
Струмица 6138, Активни 108
Кичево 4231, Активни 37
Кочани 4028, Активни 109
Струга 3910, Активни 33
Гевгелија 2813, Активни 79
Неготино 2575, Активни 42
Свети Николе 2126, Активни 40
Крива Паланка 1913, Активни 74
Ресен 1763, Активни 57
Радовиш 1752, Активни 58
Берово 1460, Активни 67
Дебар 1456, Активни 1
Делчево 1424, Активни 101
Виница 1161, Активни 18
Пробиштип 1126, Активни 24
Валандово 956, Активни 45
Кратово 776, Активни 31
Богданци 645, Активни 21
Демир Хисар 620, Активни 50
Крушево 594, Активни 33
Македонски Брод 503, Активни 14
Демир Капија 425, Активни 3
Македонска Каменица 421, Активни 28
Пехчево 353, Активни 10
Дојран 168, Активни 5