Црна хроника
Кривична за директорот на ЈП „Пазари“ Битола: склучил договор за јавна набавка со фирма избришана од Централниот регистар
![](https://makfax.com.mk/wp-content/uploads/2019/02/javni-nabavki.png)
Одделот за криминалистичка полиција, по наредба од Основното јавно обвинителство Битола презема предистражни дејствија и во координација со СВР Битола поднесе кривична пријава против Б.К. од Скопје поради постоење основи на сомнение за сторено кривично дело „злоупотреба на постапката за јавен повик, доделување на договор за јавнa набавкa или јавно-приватно партнерство“ по член 275-в од Кривичниот законик и против В.А. од Битола поради постоење основи на сомнение за сторено кривично дело „несовесно работење во службата“ по член 353-в од Кривичниот законик. Имено, првопријавениот Б.К., во својство на управител на правно лице од Битола, на 19.12.2019 со неизвршување на обврските од склучен договор за јавна набавка на стоки за проектирање, набавка и монтажа на фотоволтаични панели за производство на електрична енергија со ЈП „Пазари“ Битола нанел штета на претпријатието. Тој дал гаранција за поставените фотоволтаични панели во рок од 25 години, иако знаел и бил свесен дека во предвидениот рок од една година од основањето на друштвото не го внел основачкиот влог на своето друштво согласно чл.186 ст.5 од Законот за трговски друштва поради што истото согласно чл.552-а и чл.552-б од истиот закон било избришано од Централниот регистар. Исто така, Б.К. знаел дека не можел да гарантира за изведените работи, со што постапил спротивно на дадената изјава за сериозност на понудата.
Второпријавениот В.А., во својство на директор на ЈП „Пазари“ Битола со пропуштање на должен надзор во вршењето на своите овластувања и должности, не извршил надзор кој бил должен да го изврши над носителот на набавката дали е активен субјект или не, со што не постапил согласно одредбите од склучениот договор за јавна набавка и не го раскинал. Исто така, В.А. постапил спротивно на чл.101 ст.7 од Законот за јавни набавки и не објавил негативна референца на електронскиот систем на јавни набавки на Бирото за јавни набавки. На тој начин В.А. му овозможил на првопријавениот да се стекне со противправна имотна корист како право да не биде исклучен од идните постапки за јавни набавки во период од шест месеци од денот на евентуалното објавување на негативната референца, а воедно и по доставена фактура одобрил и извршил плаќање кон првопријавениот односно кон неговото правно лице во вкупен износ од 1 298 000 денари со што го оштетил буџетот на ЈП „Пазари“ Битола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Гостиварчанец влегол во плац за подигнати возила од „пајак“ и одзел автомобил
![](https://makfax.com.mk/wp-content/uploads/2017/02/pajak-sluzba.jpg)
Вчера (20 август) во 15.20 часот во ОВР Гостивар, 59 годишниот гостиварец Х.Б., чувар во плац за стационирање на возила подигнати од пајак служба, пријавил дека околу 14.30 часот едно лице влегло во плацот и одзел патничко возило „фоксваген голф“ со странски регистарски ознаки.
Црна хроника
Со нож прободен 22-годишник од Скопје
![](https://makfax.com.mk/wp-content/uploads/2023/04/340069856_758760485816444_7071669737011483402_n.jpg)
– Вчера во 22.10 часот, полициски службеници од Единицата за интервентна полиција при СВР – Скопје ги лишиле од слобода А.Ш., на возраст од 22 години од село Петровец и Б.В., 21-годишно лице од село Зелениково, информираат од МВР.
Тие се сомничат дека околу 20.20 часот во населено место Дрма, скопско, физички го нападнале 22-годишниот З.Н. од село Мралино, општина Илинден, по што Б.В. со остар предмет му нанел убодни рани.
– З.Н. бил пренесен во Градската општа болница „Свети Наум Охридски“, а лицата биле задржани во полициска станица, се наведува во соопштението.
Црна хроника
Девојка од Тетово насилно ставенa во возило и претепана
![](https://makfax.com.mk/wp-content/uploads/2023/06/MVR-policija.jpg)
Триесетиедногодишник е осомничен за насилно внесување девојка од Тетово во возило и за физички напад врз неа, соопштија попладнево од Министерството за внатрешни работи.
Поднесена е кривична пријава против С.К. од село Теново, тетовско, поради постоење основи на сомнение за сторено кривично дело „противправно лишување од слобода“.
– На 22 март во Тетово, пријавениот со употреба на сила внел девојка во неговото возило, по што физички ја нападнал, се додава во соопштението.