Црна хроника
Кривични пријави за двајца таксисти од Кичево, превезувале патници без лиценци

Против две лица од Кичево се поднесени кривични пријави бидејќи тие превезувале патници без лиценци.
Според информацијата од МВР, кичевската полиција има поднесено кривична пријава против Н. Д. (35) и И. Ј. (65), двајцата од Кичево.
При сообраќајни контроли, извршени на 14.1.2022 и 20.1.2022 на улицата Гоце Делчев во Кичево, полициските службеници ги затекнале пријавените при вршење јавен такси-превоз на патници, без да поседуваат соодветни лиценци за вршење превоз на патници, како и извод од лиценци за возило, издадени од надлежен државен орган.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Работник почина од струен удар во фабрика во Струшко

Маж вработен во фабрика бил пронајден починат во дворот на објектот, во близина на електричeн ормар, соопшти МВР.
„На 27 мај во 10.00 часот било пријавено дека во двор од фабрика во селото Враништа, Струшко, во близина на електричeн ормар, е пронајден починат вработениот Д.Р.(59) од с.Враништа, најверојатно од струен удар“, велат од полицијата.
Од страна на лекар од Итната медицинска помош била констатирана смрт без видливи траги на насилство. Извршен бил увид од увидна екипа од Полициската станица Струга, Трудов инспектор, вештак по електротехника и Јавен обвинител, по чија наредба телото на починатиот е предадено за обдукција.
Црна хроника
Приведени двајца дилери на дрога од Скопје

Денеска на подрачјето на Кисела Вода полициски службеници од Единицата за интервентна полиција при СВР Скопје ги лишија од слобода Г.К.(34) и Д.М.(32), двајцата од Скопје, затоа што кај нив биле пронајдени и одземени две пакувања кафеава прашкаста материја, апчиња, бела прашкаста материја, марихуана, дигитална вага, дробилка, метадон.
Двете лица се приведени во Полициска станица Кисела Вода и по документирање на случајот против нив ќе бидат поднесени соодветни поднесоци.
Црна хроника
Прегазен малолетен пешак во Охрид

Синоќа на улицата Даме Груев во Охрид, патничко возило „форд“ управувано од Т.Т.(38) од Охрид, удрило во малолетен пешак од овој град.
Во несреќата со тешки телесни повреди се здобил пешакот, констатирани во Специјалната болница „Св.Еразмо“.
Извршен бил увид од увидна екипа од СВР Охрид.