Црна хроника
Кумановец паднал од скала и починал додека работел на објект
Седумдесет и четиригодишен маж починал откако паднал од дрвена скала додека работел на објект на улицата Мирче Ацев во Куманово. Според информациите од МВР, тој се качил на скалата потпрена на бетонска бандера, но скалата се излизгала, а тој паднал пред влезот од гаражата и починал на самото место.
Извршен бил увид на местото на настанот од увидна екипа од СВР Куманово.
Лекар констатирал смрт без траги на насилство, а со согласност на Јавен обвинител, телото на починатиот е предадено на семејството.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Три лица повредени во сообаќајка на магистралниот пат Куманово-Крива Паланка
Вчера е пријавено дека на магистралниот пат Куманово-Крива Паланка се случила сообраќајна несреќа помеѓу возило „фиат“ управувано од Б.П.(48) и возило „опел зафира“ управувано од М.М.(59) двајцата од Крива Паланка.
Во несреќата со тешки телесни повреди се здобил возачот Б.П., а со телесни повреди се здобиле сопатниците од возилото „опел зафира“ С.М.(32) и Д.М.(51), двајцата од Крива Паланка, констатирани во Општа болница Куманово.
Извршен бил увид од увидна екипа од ОВР Крива Паланка.
Црна хроника
Се запали БМВ во Драчево
Денеска во 00.55 часот во СВР Скопје било пријавено дека на подрачјето на Драчево, во двор од семејна куќа на К.К.(30) од Скопје, настанал пожар во неговото патничко возило БМВ со скопски регистарски ознаки.
Од Бригадата за противпожарна заштита пожарот бил изгаснат, а повредени лица нема. Се преземаат мерки за расчистување на случајот.
Црна хроника
Тројца малолетници тепале и со остар предмет повредиле 22-годишно момче
Полициски службеници лишиле од слобода тројца малолетници поради физички напад, соопшти МВР.
-Денеска (07.09.2024) во 02.40 часот полициски службеници од полициската станица Центар лишиле од слобода тројца малолетници од Скопје, Крива Паланка и Струмица поради постоење основи на сомнение дека во Градскиот парк во Скопје физички го нападнале Б.С.(22) од Скопје и притоа со остар предмет му нанеле повреда, стои во соопштението.
По целосно документирање на случајот ќе следува соодветен поднесок, додаваат од МВР.