Црна хроника
Нападнал полицаец зашто му пишал казна за брзо возење

Дваесет и тригодишен маж од Скопје нападнал полициски службеник откако му била изречена казна за пречекорување на брзина.
„На булеварот ‘Србија’ полициски службеници вршејќи службени задачи – радарска контрола сопреле патничко моторно возило ‘форд фиеста’ со скопски регистерски таблички управувано од А.А.(23) од Скопје. Потоа, при изрекување казна за пречекорување брзина, истиот почнал да ги навредува и да им се заканува, а во еден момент нападнал еден полициски службеник“, соопшти МВР.
Лицето било приведено во полициската станица. Се преземаат мерки за целосно расчистување на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Маж најден починат во домот во Гевгелија

Во куќа во село Селемли, гевгелиско, вчера бил пронајден починат 43-годишен маж.
Од страна на лекар од Итната медицинска помош Гевгелија била констатирана смрт, а увид на местото извршила екипа од Одделението за внатрешни работи Гевгелија.
По наредба на Јавен обвинител од Основното јавно обвинителство Гевгелија телото било предадено на обдукција.
Црна хроника
Пензионерка нападната во Автокоманда по расправија

Р.С.(78) од Скопје пријавила во полицијата дека вчера околу 17.00 часот на подрачјето на Автокоманда била физички нападната од женско лице.
Според пријавеното, на нападот претходна расправија.
Се преземаат мерки за расчистување на случајот, извести МВР во дневниот билтен.
Црна хроника
Пешак се здоби со тешки повреди по удар од автомобил во Гостивар

Возило управувано од 70-годишник удруи во малолетен пешак од селото Речане.
Според информациите од полицијата, несреќата се случила денес во 11 часот на улицата ЈНА во Гостивар.
Во несреќата со тешки телесни повреди се здобил пешакот, констатирани во Општата болница Гостивар .
Извршен бил увид.