Полицијата уапси 21-годишен скопјанец осомничен за кражби во куќи во Чаир како и за една џепна кражба. Судот му определи осумдневен притвор.

Според информациите на полицијата, по претходно добиено сознание дека лицето А.И. (21) од Скопје врши кривични дела од областа на имотни деликти, од страна на Единицата за внатрешни работи Чаир со прибирање докази за извршени кривични дела документирани се пет кривични дела и тоа: тешки кражби во куќи и едно кривично дело џепна кражба при што А.И се стекнал со противправна имотна корист од околу 224.290 денари и причинил материјална штета од 13.500 денари.

По претходно распишан локален распис по А.И. тој вчера околу 23:00 час бил уапсен.

Полицијата поднесе кривична пријава против 29-годишен скопјанец кој носел оружје со себе, без да има дозвола.

Според информациите на МВР, по претходно добиени оперативни сознанија од страна на полициски службеници од СВР Скопје, вчера околу 18 часот во населба Сингелиќ извршен е преглед врз лицето Б.А (29). Кај него бил пронајден пиштол кој го поседувал без дозвола, по што бил извршен претрес и во домот каде што престојува лицето.

Денеска против лицето Б.А е поднесена е кривична пријава во брза постапка за кривично дело неовластено изработување, држење, посредување и тргување со оружје или распрскувачки материи.

Речиси 26.800 килограми јаболка, односно 30 палети со 56 гајби од ова овошје, биле украдени во магацин на поранешна фабрика во Ресен.

Како што информираат од МВР, делото го извршил непознат сторител, кој насилно влегол во објектот.

Увид на местото на настанот извршила екипа на Полициската станица Ресен.

Се преземаат мерки за расчистување на случајот.