Топ
Нов протест за скандалот на онкологија, утре во 18 часот пред Владата

Утре во 18 часот пред Владата повторно ќе се одржи протест за скандалот на клиниката за онкологија.
„Ние бараме задоволување на социјалната правда, и тоа е возможно само ако се понесе одговорност за згаснувањето на животите на луѓето како резултат на корупцијата. Правда за жрвите мора да има!
Протестот од Влада ќе продолжи пред зградата на Министерството за здравство каде ќе побараме ОДГОВОРНОСТ за сите инволвирани во скандалот со Клиниката на онкологија, но и за обелоденување на информациите околу истрагата за трагедијата во модуларната болница во Тетово, вклучувајќи ги лицата од МЗ како што се претходните министри кои влијаеле за заташкување на случаевите.
Повторно нагласуваме и за тоа дека измени во Кривичниот законик нема да ги аболицираат инволвираните од нивните злосторства, доколку ние тоа не го дозволиме. Ултиматумот од минатата недела не е исполнет, особено барањето ОЈО да излезе со детали за текот на истрагата“, велат организаторите на социјалните мрежи.
Нивните барања се:
1. Истрага за инволвираноста на поранешниот министер Венко Филипче и директорот Нино Васев
2. Проширување на истрагата на работата на Детска онкологија
3. Целосна ревизија на работата на Клиниката за Онкологија
4. Правосилни судски пресуди за сите инволвирани во злосторството и криминалот на Онкологија
5. Обелоденување на инфорамциите од истрагата за трагедијата во модуларната болница во Тетово!
6. Одговорност од ЈО кое одлучи дека нема кривичо дела во трагичниот случај со малата Јана од Битола.
Собранието во петокот го утврди составот на анкетната комисија која ќе треба да ги истражува обвинувањата за случајот, а со неа ќе раководи пратеничката од редовите на ВМРО-ДПМНЕ Рашела Мизрахи. За членови на Анкетната комисија утврдени се пратениците: Антонио Милошоски, Гордана Сиљановска-Давкова, Иванка Василевска, Љупчо Пренџов, Петар Ристески, Даниела Маркоска, Ненад Коциќ, Мартин Костовски, Марија Георгиевска, Арбен Зибери, Бедри Фазли и Ремзи Мехмеди. Овој состав на Анкетната комисија дополнително ќе треба да помине на пленарна седница во вторник и потоа се очекува истата да започне со работа.
Од обвинителството велат дека се во фаза на прибирање на докази и од соседните земји бидејќи постои сомневање дека пациенти од Косово и други држави се лекувани со терапии добиени од Скопје. Тим обвинители на Јавното обвинителство во текот на неделата биле во Косовското обвинителство и одржале состанок во насока на обезбедување на докази поврзани со истрагата. Паралелно со тоа се испрашуваат пациенти и нивни роднини, медицински персонал и други лица кои можат да имаат информации за случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
По објавата на „Макфакс“: МВР го бара човекот кој стои зад лажниот профил што повика на протест и бесење на Спасовски

По објавата на „Макфакс“ дека лажен профил потпишан како „Ѓоре Ајтов“ повикува на немири и протести за да го ослободат Палчо и повика на јавно бесење на министерот за внатрешни, полицијата информира дека веќе се работи на откривање, кој стои зад профилот кој ја сподели сликата со морбидната содржина.
Лажниот профил на ФБ кој злоупотребил и фотографија на Велибор Џаровски – Џаро, човекот кој важи за најпознат естраден менаџер на сите времиња во екс-ЈУ историјата, своите морбидни натписи ги пишуваше во скандалозната група „Правда за Палчо, правда за Вања, правда за Панче, правда за Македонија“ каде се шират теории на заговор и се бара ослободување на Љупчо Палевски, првоосмничен дека ги убил Панче и Вања.
По нашата објава, голем дел од регионалните портали, но и весници ја пренесоа веста.
Регион
„Што ако детето ми е киднапирано?“ – се огласи мајката на исчезнатата Сара

Сара Петровиќ (17) од Борча, Белград, исчезна денеска околу 13 часот, последен пат била видена во близина на ресторанот „Франш“.
Нејзината мајка плачејќи за српски Телеграф изјавила дека само сака детето што побрзо да го најде и дека се сомнева оти е киднапирана.
“Не знам ништо! Само сакам да ја најдам што поскоро. Сега одам во полициска станица. Се враќаше од забавата во Младеновац и оттогаш ја нема. И се јавив, ми крена некој, слушнав врева во автобусот, ама нејзе не ја чув. Не знам што се случува! Што ако моето дете е киднапирано?“, изјави таа за Телеграф.
Сара е висока 165 см, има кафена коса и очи и има тенка градба. Таа беше облечена во црно и носеше црн ранец.
Регион
Исчезна 17 годишна девојка во Белград: се јавила од автобус и оттаму ѝ се губи трага, непознат маж се јавува на нејзиниот телефон

17 годишна Сара Петровиќ од Белград исчезна денеска околу 13 часот, а последен пат е видена во близина на ресторанот „Франш“, јавуваат српските медиуми.
Според информациите, таа се качила во автобус на автобуската станица кај Зелени венц.
– Само кажа дека заспала во автобусот и оттогаш и се губи секаква трага. На нејзиниот телефон се јавува непознато машко лице. Не знаеме дали се работи за киднапирање или за кражба – се наведува во пост на Инстаграм.
Сара е висока 165 см, има кафена коса и очи, а има тенка градба. Беше облечена во црно и носеше црн ранец, пишува во објавата.