Основното јавно обвинителство Гевгелија донесе наредба за спроведување истражна постапка против едно лице за кое постои основано сомнение дека сторило продолжено кривично дело полов напад врз дете што не наполнило 14 години од член 188 став 1 во врска со член 45 од Кривичниот законик.

Осомничениот, кому родителите му ги доверувале на чување трите деца на возраст од 8, 6 и 2 години, искористувал исти пригоди и во повеќе наврати вршел кривично дело обљуба врз најстарото дете.

Бидејќи постојат околности што го оправдуваат стравот дека осомничениот ќе се даде во бегство, ќе ја попречува истрагата со влијание врз сведоците и соучесниците и дека ќе го повтори кривичното дело, надлежниот јавен обвинител до Основниот суд во Гевгелија достави предлог за определување мерка притвор.

Судијата за претходна постапка го прифати предлогот и му определи мерка притвор во траење од 30 дена. ​​

Денеска, во 5.40 часот, во с. Студеничани, Скопско, полициски службеници од СВР Скопје ги лишија од слобода се Ј. С. (37) од Скопје и Е. М. (33) од Р. Косово, постапувајќи по пријава од М. А., според која тие од неговата куќа на местото наречено Кочинар во с. Морани, Скопско, одзеле разни предмети.

Украдените предметите се пронајдени во патничко возило „фиат“, со скопски регистарски ознаки, со кое се превезувале пријавените, и му се вратени на сопственикот. По целосно документирање на случајот, против лицата ќе биде поднесна соодветна пријава.

На 3.10.2022, од 7 до 12 часот, полициски службеници на СВР Тетово спроведоа акциска контрола за брзина со која се движат возилата, а во која вкупно биле изречени вкупно 120 мерки (ТЕ-88 и ГВ-32).

Деведесет и три од мерките (ТЕ-70 и ГВ-23) се однесувале на пречекорување на максимално дозволената брзина надвор од населено место, при што 9 возачи прекршители пречекориле повеќе од 70 километри на час (ТЕ-7 и ГВ-2).

Покрај ова, санкционирани се и 27 возачи (ТЕ-18 и ГВ-9) што ја пречекориле брзината во населено место, а констатирани и со соодветни поднесоци биле заокружени и 2 други сообраќајни прекршока (ТЕ-1 и ГВ-1).