Денеска, од страна на Единица за насилен криминал-ОКСД при СВР Скопје до ОЈО Скопје е поднесена кривична пријава по брза постапка против И.Р.(33) од Скопје, поради постоење основи на сомнение дека сторил неколку кривични дела, и тоа: „Предизвикување општа опасност” предвидено и казниво по член 288, “Насилство” предвидено и казниво по член 386 и “Неовластено изработување, држење, посредување и тргување со оружје или распрскувачки материјали”, предвидено и казниво по член 396 од Кривичниот законик.

Тој бил лишен од слобода непосредно по добиена пријава дека на 06.12.2023 околу 18.00 часот на подрачје на Бит Пазар, од пиштол испукал неколку куршуми во воздух и физички го нападнал Е.А..

Исто така, при преглед во возилото „ауди“ со скопски регистарски ознаки, кое го управувал, биле пронајдени и одземени пиштол калибар 9 мм со рамка со 13 куршуми и уште една рамка со 17 куршуми.

На пријавениот И.Р. од страна на судија на претходна постапка му е определена мерка притвор од 30 дена.

26-годишне осуденик бил напданат од страна на други затвореници во „Идризово“.

Како што соопштија од полицијата, вчера во 16.00 часот во СВР Скопје, од Казнено – поправната установа Затвор Идризово било пријавено дека на 05.12.2023 околу 08.30 часот, во полуотвореното одделение во установата, осуденикот Н.Д.(26) бил физички нападнат од повеќе други осудени лица.

Надлежните информираат дека се преземаат мерки за расчистување на настанот.

Малолетно девојче е удрено вечерва од возило на булевар „Србија“, кај бензинската станица „Лукоил“, во Општина Аеродром.

Девојчето е пренесено во болница, а екипи на МВР вршат увид на местото на несреќата.

Од МВР информираат дека увидот уште не е завршен и дека дополнителни информации ќе има по негово завршување.