Против три лица поднесена е кривична пријава за силување на 18-годишна девојка од Струмичко и за помагање во извршување на делото.

За силувањето се сомничи 18-годишник со иницијали И.Д. кој престојува во селото Банско, додека пак, М.Д. (21) и А.Д. (25) и двајцата од Банско му помогнале во намерата.

МВР соопшти дека настанот се случил пред два дена, а на трите лица определена им е мерка притвор.

Две лица од селото Порој, Тетовско биле затекнати од страна на полицијата со дрога, за време на полициски час.

Станува збор за 23 и 29-годишник, со иницијали И.Р. и А.А.

Како што соопшти МВР, тие биле приведени синоќа во 22.10 часот, а при преглед кај нив била пронајдена прашкаста материја.

По целосно документирање на случајот, против нив ќе бидат поднесени соодветни поднесоци.

Државниот инспекторат за животна средина (ДИЖС) во заедничка координација со струшката полицијата во март обезбедил докази против лице кое ангажирало градежна механизација за насипување и рамнење на дел од крајбрежјето со шут и земја.

На локацијата исто така биле забележани и траги од опожарена трска.

„Овие активности резултираат со недозволена крајбрежна трансформација и уништување на пределот“, велат од ДИЖС од каде што додаваат дека постојано работат на откривање и санкционирање на уништување на природното наследство на струшкото крајбрежје.

Во одонос на овој случај, подготвена е кривична пријава што е доставена до надлежното Јавно обвинителство поради загрозување на животната средина и природата со отпадни материи.

За ова кривичлно дело предвидена е казна затвор од три месеци до три години, посочуваат од ДИЖС.