Црна хроника

Тројца ресенчани обвинети за измама на странски фирми признаа вина

Објавено пред

2 недели

- 12 мај, 2020

Од

По сеопфатна истражна постапка против четири лица од Ресен, осомничени дека како соизвршители сториле продолжено кривично дело измама, Основното јавно обвинителство Битола до судот достави предлог спогодби за тројца обвинети.

Осомничените на почетокот на оваа година со лажно прикажување факти дека преку правно лице од Ресен може да им продадат земјоделски производи, довеле во заблуда четири правни лица од Словенија, Унгарија, Босна и Херцеговина и од Русија.

„Оштетените правни лица вршеле уплата на договорен износ на сметка на правното лице од Ресен, а осомничените ги подигнувале уплатените парични средства и ги трошеле за сопствени потреби не испорачувајќи ги договорените земјоделски производи“, соопшти Обвинителството.

Во текот на истражната постапка осомничените доброволно им ја надоместиле севкупната штета на оштетените правни лица во вкупен износ од 49.170 американски долари и 17.466 евра.

Тројца од осомничените ја признале вината и побарале да се спогодат со Обвинителството, а еден од осомничените во текот на постапката починал и против него постапката е запрена.

Основниот суд Битола ги прифати предлог-спогодбите и со пресуди на двајца од обвинетите им изрече алтернативна мерка – условна осуда, со што им е утврдена казна затвор во траење од две години, која нема да се изврши доколку обвинетите во рок од пет години не сторат ново кривично дело, а еден од осомничените е осуден на казна затвор во траење од една година и осум месеци.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Двајца повредени во сообраќајна несреќа со мотор

Претходно

Автомобил излета од патот кај Козјак, двајца повредени

Црна хроника

Пијани браќа нападнале полицајци кои интервенирале по дојава за гласна музика

Објавено пред

4 часа

- 25 мај, 2020

Од

Макфакс

Двајца браќа во алкохолизирана состојба нападнале полицајци кои интервенирале во нивниот дом во Кучевиште, по поплака за гласна музика, соопшти МВР.

Според информациите на полицијата, утринава во 04 часот, во полиција било пријавено дека се слуша гласна музика од една куќа во селото Кучевиште, близу црквата Свети Спас.

„Во тек на постапување на двајца полициски службеници по претходно пријавена поплака за гласна музика во село Кучевиште, скопско на ул. 4 во близина на црквата Св.Спас, во семејната куќа на лицата Љ.К. и В.К., полициските службеници физички биле нападнати од двете лица- браќа, кои биле во видно алкохолизирана состојба“, се наведува во соопштението.

Напаѓачите избегале, но набргу биле пронајдени и приведени во Полициската станица Чаир.

По документирање на случајот, ќе биде поднесена соодветна пријава.

Прикажи повеќе...

Црна хроника

Запленети 220 рибарски мрежи и приведени три лица за незаконски риболов

Објавено пред

1 ден

- 24 мај, 2020

Од

Макфакс

СВР Охрид, граничната-езерска полиција, регионален центар Запад и Државниот инспекторат за земјоделие, преземаат интензивни контроли со цел сузбивање на казнени дела поврзани со незаконит риболов и други дела спротивни со Законот за рибарство и аквакултура. Целта е откривање на сторители на вакви казнени дела и заштита на рибниот фонд во водите на Охридското езеро.

Од почетокот на оваа година, на охридско – струшкото крајбрежје, реализирани се околу 80 акциски контроли во кои, затекнати се повеќе лица при вршење незаконит риболов од кои тројца се приведени, пронајдени и одземени се околу 300 парчиња разновидна риба со вкупна тежина од над 122 килограми. Притоа, одземени се околу 220 рибарски мрежи во вкупна должина од околу 23.000 метри, неколку метални чамци како и друга разновидна рибарска опрема. Рибниот улов заедно со мрежите се предадени во Јавната научна установа „Хидробиолошки Завод“ Охрид.

Мерките против незаконитиот риболов и понатаму ќе се спроведуваат, информираат од СВР Охрид.

Прикажи повеќе...

Црна хроника

Почина затвореник од Идризово кој се лекувал на клиника

Објавено пред

1 ден

- 24 мај, 2020

Од

Макфакс

Починал затвореник од Идризово кој се лекувал на клиника. Вчера во 11 часот во СВР Скопје било пријавено дека во Комплекс клиники „Мајка Тереза“ починал М.П.(58) од Скопје, осуденик од КПУ Идризово, кој бил донесен на 4.05.2020 од затворот со здравствени проблеми. Од страна на доктор е констатирана смрт. Телото на починатиот е предадено за обдукција, информира полицијата.

Прикажи повеќе...