Црна хроника
Повеќе лица повредени во сообраќајна несреќа на патот Кичево – Гостивар
Вчера во 18:20 часот во Полициската станица Кичево било пријавено дека на магистрален пат Кичево – Гостивар, кај с. Колари, се случила сообраќајна несреќа помеѓу патничко моторно возило „мини купер“ со италијански регистерски ознаки, управувано од Х.Б.(26) од с. Колари, патничко моторно возило „ауди“ со кичевски регистарски ознаки, управувано од Л.А.(76) од с. Зајас, Кичевско, и патничко моторно возило „рено“ со скопски регистарски ознаки, управувано од З.И.(52) од Скопје.
По незгодата, тројцата возачи и сопатниците во патничкото моторно возило „ауди“, Ф.А.(74) од с. Зајас и патничкото моторно возило „мини купер“ А.З.(23), Н.А.(54), И.З.(56) и Л.З.(31), сите од с. Колари, биле пренесени во Медицински центар Кичево и кај Х.Б., А.З., Н.А. и И.З. биле констатирани повреди, а кај Л.А. и З.И. биле констатирани тешки телесни повреди.
За настанот бил запознаен Јавен обвинител, а увид на местото на настанот извршила увидна екипа од Полициска станица Кичево.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсени рзабојници кои ограбија финансиско друштво во Скопје, биле барани и со потерница поради бегство од затвор
Полицијата уапси двајца разбојници кои на 03.12. извршија разбојништво во финансиско друштво во Скопје, а истите биле барани и со потерници поради бегство од затвор.
На 04.12.2025 во 17:05 часот на ул.„Мајка Тереза“ во Скопје, полициски службеници од Единицата за интервентна полиција при СВР Скопје ги лишија од слобода А.Ж.(37) од Скопје и К.Б.(33) од Битола. Тие се сомничат дека на 03.12.2025 околу 18:40 часот во финансиско друштво на подрачјето на Кисела Вода во Скопје со закана од вработената одзеле пари.
Кај нив се пронајдени пари за кои постои сомние дека потекнуваат од кривичното дело, а кај А.Ж. е пронајдена и грутчеста материја.
По преземени мерки констатирано е дека двајцата биле барани по централни потерници поради бегство од затвор. А.Ж. е баран за доиздржување затворска казна од 12 години, а К.Б. од три месеци.
Двајцата ќе бидат спроведени во надлежните казнено-поправни установи за доиздржување на казните и по целосно документирање на случајот, против нив ќе биде поднесена соодветна пријава.
Црна хроника
По расправија за паркинг во Карпош, ѝ се заканувал со остар предмет на 19-годишна девојка
По расправија за паркинг во Карпош, едно лице ѝ се заканувало со остар предмет на 19-година девојка.
Вчера, во 18:00 часот во СВР Скопје, Ј.Ј.(19) од с.Ново Село, скопско, пријави дека во 15:00 часот на паркинг на подрачјето на Карпош, по претходно недоразбирање за паркинг место, едно лице ѝ се заканувало со остар предмет.
Се преземаат мерки за расчистување на случајот.
фото/илустрација
Црна хроника
Пријава против 40-годишник за напад врз две малолетнички во Пробиштип
Надворешната канцеларија за криминалистички работи Пробиштип поднесе кривична пријава против А.Ј. (40) од Злетово поради постоење основи на сомнение за кривичното дело „насилство врз дете“.
Според пријавата, на 07.11.2025 во Пробиштип, пријавениот физички нападнал две малолетнички.

