Четириесет и четиригодишна жена од Скопје синоќа била приведена во Карпош бидејќи се однесувала агресивно кон полициски службеници кои извршувале службени дејствија.

По целосно расчистување на случајот ќе следи соодветен поднесок.

Во Велес, во водите на реката Вардар, во близина на Нов мост, вчера бил пронајден човечки труп, кој бил извлечен од реката.

Извршен бил увид на местото од страна на увидна екипа од СВР Велес. По наредба на Јавен обвинител телото е предадено на Институтот за судска медицина за обдукција.

Малолетен велосипедист е тешко повреден откако во него удрил автомобил, а возачот избегал.

Според информациите на МВР, несреќата се случила вчера во 18.45 часот на бул.„Гоце Делчев“ кога неидентификуван возач со патничко возило удрил во велосипед управуван од малолетник од Прилеп и избегал.

Малолетникот со тешки телесни повреди бил пренесен во Градска болница Прилеп.

„Извршен бил увид од увидна екипа од Полициската станица Прилеп и се работи на расчистување на случајот“, соопшти МВР.