Во последните 24 часа во Србија од ефектите на коронавирусот починаа уште шест лица, додека  регистриранисе  289 новозаразени лица, соопшти Министерството за здравство.

Официјалниот број на починати е 317, според веб-страницата covid19.rs. Од последниот пресек на состојбата во Србија, 7.872 се тестирани за коронавирус, а регистрирани се 289 нови случаи. На респиратор има 93 лица.

Во Србија се потврдени 16.420 случаи на инфекцијата. Стапката на морталитет е 1,93 проценти.Има вкупно 2.737 активни случаи.

Во земјата е прогласена вонредна состојба во 12 општини.

Државната изборна комисија ја води кампањата „Ти си на ред“ за претстојните предвремени парламентарни избори 2020. Со герила-акција, за првпат досега, екипата на ДИК ги посети Охрид и Струга. На плоштадите од двата града беа поставени две големи поставки од големо стаклено ѕвоно и гел за дезинфекција со цел да им се приближат пораките за безбедно гласање до гласачите.

Со пораките „Заштити се себеси и другите“ и „Гласај безбедно“, Државната изборна комисија упати апел за сигурни и безбедни избори. На плоштадите од двата града на безбеден начин се поделија едукативни брошури и флаери на случајните минувачи за безбедно гласање и точно опишан начин како треба секој гласач да постапува на гласачкото место за да се заштити од коронавирусот.

Safety или безбедносната брошура што од ДИК ја подели на граѓаните на Охрид и Струга содржеше гел за дезинфекција и маска за заштита од коронавирусот. Освен што ги информираше преку пораките и поставките, ДИК на овој начин имаше и акција за заштита на граѓаните.

Оваа герила-акција, подготвена од Државната изборна комисија, се случува за првпат во нашата држава. Со ова, од таму покажаа неверојатна грижа за здравјето на граѓаните и континуиран напор во поставувањето пример за државна институција која треба да се одликува со независност, непристрасност, одговорност и професионалност во работењето. Со овој пример на информирање на граѓаните и нивна заштита во време кога целиот свет е соочен во борба со невидливиот непријател Ковид-19, Државната изборна комисија постави нови стандарди во функционирањето на државните институции, се наведува во соопштението.

Скопјанец на возраст од 49 години бил пронајден починат од страна на итната медицинска помош во неговиот стан, на улицата Никола Русински.

На местото на настанот била затекната В. М. (57) од Скопје, која изјавила дека претходно добила повик од мажот, кој ѝ кажал оти го каснал стршен и побарал од неа да повика итна медицинска помош.

Увид на местото на настанот извршила полицијата, а по наредба на јавен обвинител, телото на починатиот било предадено за обдукција.