Министерот за здравство, Венко Филипче, преку социјалните мрежи најави дека на денешната владина седница на дневен ред ќе бидат измените на Законот за здравствена заштита, со кои се предлга цените во приватните болници да бидат изедначени со референтните цени утврдени од Фондот за здравство (ФЗО).

„Со измените во Законот, дијагонстицирање и лекување на ковид-пациенти предлагаме да се движи од 40.000 до 305.000 денари (н.з. од 650 до 5.000 евра)“, се наведува во објавата на министерот.

Тој појаснува дека државата освен што има овластување да склучи договор со приватните болници преку ФЗО, може да постави и лимит за максимален износ на едно приватно лекување од Ковид-19.

„Регулирањето на цените е неопходно за да не се доведеме во ситуација приватните здравствени установи да останат недостапни за огромно мнозинство на граѓани во нашата земја“, посочува министерот, притоа повикувајќи ги сите пратеници во Собранието да дадат поддршка на регулацијата на цените за здравствени услуги на ковид-пацинети во приватните болници.

Во вечерните часови на 12 април, на паркинг од фирма во тетовското село Порој, полицијата го уапсила 31-годишниот дилер А. Б., инаку жител на ова село.

Како што информираат од МВР, при преглед во возилото „хамер“, со тетовска регистарација, кое го управувал 31-годишникот, биле пронајдени кокаин спакуван во 100 пакувања со разна големина, девет пакувања марихуана, две дигитални ваги и два мобилни телефона.

При претресот, дилерот се однесувал агресивно и физички ги нападнал полициските службеници.

Тој бил приведен во Полициската станица Тетово, неговото возило е одземено за вештачење и по целосно документирање на случајот, против него ќе бидат поднесени соодветни пријави.

Граѓаните на Велика Британија уживаа во своето прво ноќно излегување по неколку месеци. Со оглед на успешниот процес на имунизација, властите почнаа да ја ублажуваат постојната блокада на 12 април.

Градините на угостителските објекти беа отворени синоќа првпат откако Велика Британија беше заклучена од 5 јануари, кога милиони луѓе живееја под ограничувања на ниво 4.

Продавниците, фризерските салони, спортските сали и зоолошките градини исто така повторно се отворија во Англија, а некои правила беа олабавени и во Шкотска и Велс.

Meanwhile, in London… pic.twitter.com/diX4rUmgT8

— James Melville 🌸 (@JamesMelville) April 12, 2021

Во лондонски Сохо локалното население можеше да види како Вест Енд повторно се враќа во живот.

Улиците беа преполни, а патиштата затворени за да се добие повеќе простор за пиење на отворено.

Полицијата беше присутна, но не интервенира да спроведе социјално дистанцирање.

Многу луѓе рекоа дека метежот не им пречи и дека не се загрижени за ризикот од ширење на Ковид-19. Некои веќе се вакцинирани, а други направија брзи тестови од претпазливост пред да излезат, пишува Би-би-си.

Процесот на имунизација во Велика Британија е во нагорна линија, а досега се вакцинирани 47 проценти од населението. Минатата недела Англија објави постепено укинување на блокадата од 12 април.