Црна хроника
Претреси во Скопје, пронајдени над 600 грама амфетамин, приведени двајца криминалци

Вчера, околу 4 часот, на подрачјето на Карпош, полициски службеници од ЕВР Карпош ги лишиле од слобода В. Ѓ. (43) и Н. Т. (31), двајцата од Скопје, поради сомнение дека се сторители на кривични дела тешки кражби.
При преглед во возилото „мерцедес“, со скопски регистарски ознаки, во кое се превезувале, биле пронајдени повеќе предмети погодни за извршување на кривичните дела.
А при претрес во домот на В. Ѓ., извршен со судска наредба, од полициски службеници од ЕВР Карпош и Единицата за недозволена трговија при СВР Скопје, биле пронајдени и одземени повеќе од 600 грама амфетамин и предмети за кои постои сомнение дека се поврзани со кривични дела тешки кражби. Исто така, при претрес во домот во кој престојува Н. Т., извршен со судска наредба, биле пронајдени предмети поврзани со кривично дело.
Двајцата биле приведени во полициска станица и по целосно документирање на случаите, против нив ќе бидат поднесени соодветни пријави.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Тешко повреден малолетник, кој паднал од тераса на трговски центар во Штип

Во СВР Штип вчера било пријавено дека околу 21.45 часот малолетник паднал од терасата на Градскиот трговски центар, при што добил тешки повреди.
Детето било пренесено во Клиничката болница во Штип.
Од МВР информираат дека за настанот е запознаен јавен обвинител, а увид извршила екипа од СВР Штип.
Црна хроника
Автомобил удрил во 57-годишен скопјанец и побегнал од местото на несреќата

57-годишен скопјанец бил тешко повреден откако во него удрил автомобил кој побегнал од местото на несреќата, соопшти полицијата.
Имено, синоќа во 22:50 часот во СВР Скопје, било пријавено дека на улица Орце Николов, патничко моторно возило удрило во С.С. (57) од Скопје и го напуштило местото.
Во несреќата со тешки телесни повреди се здобил С.С., констатирани во Градска општа болница „Св.Наум Охридски“ – Скопје.
Бил извршен увид, информираа од МВР.
Црна хроника
Малолетен пешак тешко повреден по удар од автомобил

Вчера во 18:00 часот во СВР Скопје било пријавено дека на улица „3“ во с. Трубарево, Скопско, патничко моторно возило „ауди“ со скопски регистарски ознаки, управувано од С.Ј. (28) од Скопје, удрило во малолетен пешак од Скопје.
Во несреќата со тешки телесни повреди се здобил малолетникот, констатирани во комплекс клиники „Мајка Тереза“ – Скопје.
Увид на местото извршила екипа од СВР Скопје, соопшти полицијата.