На скопската улица Димо Хаџи Димо“ вчера (8 април) за време на полицискиот час биле пронајдени тројца мигранти.

Станува збор за 24-годишник од Сирија, 33-годишен Палестинец и 35-годишник од Мароко коИ скопската полиција ги забележала во патрола околу 19 часот.

Тие биле приведени во полициската станица Кисела Вода, за понатамошна постапка.

За време на полицискиот час, при вршење контрола на улицата Шишка во Кавадарци, полициски службеници се обиделе да запрат автомобил „опел астра“, со кавадаречки регистарски ознаки, но истиот не застанал.

Набрзо возилото е пронајдено во селото Марена, а во него биле три лица на возраст од 51, 30 и 46 години.

Притоа, 30-годишникот се обидел да избега, при што паднал и се повредил.

Тој бил префрлен во болницата во Кавaдарци, каде што му била констатирана тешка повреда, односно скршеница.

Против лицата ќе биде поднесена соодветна пријава.

Смрт на 54-годишен скопјанец била пријавена во полициската станица Карпош во утринските часови на 8 април.

Според пријавеното, додека човекот трчал на кејот на реката Вардар, му се слошило и паднал.

Од лекар од Итна медицинска помош била констатирана смрт.

Увид на местото на настанот извршила увидна екипа од СВР Скопје, а по наредба на Јавен обвинител телото е предадено на обдукција.