Црна хроника
Приведени две лица од Куба кај наплатна рампа „Демир Капија“
Синоќа во 23.10 часот на автопатот Скопје-Гевгелија, кај наплатна рампа „Демир Капија“, од полициски службеници од Полициска станица Михајлово приведени се Ц.В.О.Р.(29) и Р.С.Р.(21), двајцата од Куба, затоа што по извршената контрола во службената евиденција било констатирано дека немаат остварено влез во државата на граничен премин.
Лицата се предадени за понатамошна постапка на полициски службеници од Одделението за прекуграничен криминал миграции странци и реадмисија при Регионалниот центар за гранични работи Југ, соопшти полицијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Изгоре стан во Дебар, нема повредени лица
Вчера во 08:38 часот во ОВР Дебар е пријавено дека настанал пожар во стан на улица „Јосуф Грвала“ во Дебар, сопственост на А.К. од Дебар.
Повредени лица нема, а интервенирала Територијалната противпожарна единица од Дебар, извести СВР Охрид.
Топ
Понудил за 100 евра да избрише судска казна од 200 евра: уапсен вработен во Основен суд во Гостивар
Вчера во 20:10 часот, полициски службеници од Полициското одделение Ростуше го лишија од слобода А.Ј.(49) од село Присојница, општина Маврово и Ростуше, поради сомнение за сторено кривично дело „примање поткуп“ по член 357 од Кривичниот законик.
Според пријавеното од Н.А. од село Калиште, општина Врапчиште, А.Ј. – вработен во Основен суд Гостивар, го контактирал неговиот пријател С.М. од Гостивар и му понудил за сума од 100 евра да избрише судска казна од 200 евра и забрана за управување со возило од шест месеци, тврдејќи дека документите пристигнале кај него за извршување и дека може да му заврши работа. Како што е пријавено, Н.А. во име на неговиот другар го побарал А.Ј. и договориле средба во угостителски објект во Гостивар, а откако се сретнале го информирал дека е новинар и дека снима, по што А.Ј. се обидел да се оправда дека се шегува и се обидел да побегне.
А.Ј. е задржан во полициска станица и по целосно расчистување и документирање на случајот, против него ќе биде поднесена соодветна пријава.
фото: МВР
Црна хроника
Претрес во Радовиш, пронајдена е марихуана: уапсен 25-годишник
Вчера во 12:35 часот во Радовиш, полициски службеници од СВР Струмица-ОВР Радовиш го лишија од слобода 25-годишниот Д.Л. од Радовиш.
Врз основа на судска наредба извршен е претрес во неговиот дом, при што се пронајдени повеќе различни пакувања со марихуана и дигитална вага со остатоци од марихуана. Лицето е задржано во Полициската станица Радовиш и за настанот е запознаен јавен обвинител од Основното јавно обвинителство Радовиш.
По документирање на случајот следува соодветна пријава.

