Јавен обвинител донесе наредба за спроведување истражна постапка против едно лице за кривично дело неовластено производство и пуштање во промет наркотични дроги, психотропни супстанции и прекурсори и неовластено изработување, држење, посредување и тргување со оружје и експлозивни материи.

При претрес во домот на осомничениот во селото Орашје, полицијата пронашла автоматско огнено оружје и муниција кои на граѓаните им се забранети. Станува збор за автоматска пушка и две рамки со 22 куршуми со калибар соодветен за таа пушка, кои за граѓаните се во целост забранети, како и уште 78 куршуми со непознат калибар.

Исто така, на различни локации во домот биле пронајдени и околу 10 грама марихуана, дигитална вага и дробилка со траги од наркотична дрога.

Поради опасност од бегство, можност за влијание за постапката и за повторување на делото, јавниот обвинител до судијата на претходна постапка достави предлог за определување мерка притвор.

Вчеравечер и во текот на ноќта, под раководство на јавен обвинител, беше реализирана акција која е резултат на неколкумесечна предистражна постапка поради постоење основи на сомнение за сторени кривични дела поврзани со перење пари и неовластено приредување игри на среќа. Полициски службеници извршија претреси на повеќе локации на подрачјето на Скопје и околината, при што беа пронајдени поголемо количество реквизити за играње на игри на среќа (карти, чипови, професионални маси за покер и друга опрема)и значителен износ парични средства во денари и евра. На една од локациите беа затекнати и 14 лица кои во моментот играле игри на среќа.

Постапувајќи по кривичните пријави, јавниот обвинител донесе nаредби за спроведување на две истражни постапки со кои се опфатени вкупно осум лица.

„Во првата истражна постапка се опфатени шест лица за кои постои основано сомнение дека тие и други НН лица создале група која континуирано и координирано организирала недозволено приредување игри на среќа без поседување лиценца или одобрение од надлежен орган согласно Законот за игрите на среќа и забавните игри. Групата, од февруари годинава до вчера, со цел стекнување несразмерна имотна корист, организирала игри на среќа на три локации во Скопје. Осомничените обезбедувале играчи и договарале термини за игра на „омаха“, „покер“, „круг“ и „брич“. Игрите се одржувале во точно определени денови, со утврден број играчи и со однапред договорени правила и влогови. Групата поседувала каса за уплата и исплата на играчите и за покривање трошоци за клубот, ангажирале лица за средување на масите, како и лица–играчи кои за надомест ги делеле картите“, соопшти Обвинителството за гонење организиран криминал и корупција.

Со овие дејствија осомничените сториле две кривични дела „Злосторничко здружување“ и „Приредување игри на среќа без лиценца или дозвола“.

Во втората истражна постапка е опфатен еден од осомничените од првата постапка, како и уште две други лица. Тие се сомничат дека се стекнале со противправна имотна корист во износ од 7.583.784 денари, која ја пуштиле во оптек преку примање и преземање парични средства прибавени со кривично дело „Лихварство“. Средствата ги внесувале во готово на свои сметки, примале пари од сметки на трети лица и ги употребувале за купување недвижен имот, за плаќање обврски по кредит за недвижен имот, како и за водење на луксузен начин на живот.

Ценејќи дека се исполнети условите за определување мерка притвор, јавниот обвинител ќе предложи до судијата на претходна постапка определување на мерка ефективен притвор за седуммина осомничени и мерка куќен притвор за осомничената.​

фото/илустрација/депозитфотос

Полицијата уапси двајца дилери од Берово, во возилото во кое се превезувале и во нивните домови е пронајдена дрога.

На 11.12.2025 околу 17:30 часот, на место викано „Фармите“ на локален пат Делчево-с.Тработивиште, делчевско, полициски службеници ги лишија од слобода С.К.(32) и Д.Д.(19), двајцата од Берово. По преземени мерки и активности, полициските службеници запреле и извршиле контрола во патничко возило „пежо“ со беровски регистарски ознаки, управувано од С.К., а сопатник бил Д.Д.. притоа, во возилото и кај нив се пронајдени и одзмени марихуана и бела грутчеста материја.

Подоцна, со судска наредба, извршени се претрес во нивните домови во Берово, при што во домот на С.К. се пронајдени и одземени марихуана, бела грутчеста материја, дробилка, дигитална вага и други предмети. Додека, во домот на Д.Д. се пронајдени предмети со остатоци од марихуана.

По целосно документирање на случајот, против двајцата, по брза постапка, ќе биде поднесена пријава.