Црна хроника

Притвор за едно лице поради криумчарење 18 мигранти меѓу кои и четири деца

Објавено пред

1 месец

- 19 јули, 2019

Од

Надлежен јавен обвинител од Основното јавно обвинителство за гонење на организиран криминал и корупција донесе наредба за спроведување истражна постапка против едно лице, македонски државјанин, поради постоење на основано сомнение за сторено кривично дело криумчарење мигранти.

„Осомничениот прифатил и превезувал 18 илегални мигранти, меѓу кои четири деца во патничко моторно возило марка „крајслер“. На патниот правец Велес – Скопје, во непосредна близина на мостот на реката Пчиња, осомничениот на светлосните и звучни сигнали од страна на полициски службеници не го запрел возилото, туку продолжил да се движи кон наплатната рампа Петровец со голема брзина. Во еден момент пред рампата полукружно го свртел возилото и се упатил во правец на с.Петровец, а од таму движејќи се по регионалниот пат кон с.Катланово. Пред влезот во селото, на надвозникот удрил во патничко моторно возило што доаѓало од спротивната насока и предизвикал сообраќајна незгода. Од страна на полициските службеници осомничениот е лишен од слобода, а во возилото биле затекнати мигрантите“, се наведува во соопштението од обвинителството.

Поради постоење на реална опасност, доколку се брани од слобода, осомничениот да се крие или да побегне за да ја избегне кривичната одговорност, како и стравот дека ќе ја попречува истрагата, односно ќе биде во можност да влијае врз сведоците, а воедно имајќи го предвид фактот дека е специјален повратник и извршител на други кривични дела, надлежниот јавен обвинител достави предлог за определување мерка притвор против осомничениот. Судијата на претходна постапка при Основниот кривичен суд – Скопје го прифати предлогот на обвинителството и со решение на осомничениот му изрече мерка притвор во траење од 30 дена.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:топ-тема

Следно

Се превртело комбе полно со мигранти, повредени се 33 луѓе

Претходно

Откриени 50 килограми марихуана во автомобил кај Рача

Црна хроника

Нападната вработена на Токсикологија

Објавено пред

2 часа

- 22 август, 2019

Од

Макфакс

Вработена во комплексот клиники „Мајка Тереза“ на одделот за токсикологија била нападната од страна на едно лице на работното место.

МВР соопшти дека се работи за 38-годишна жена, која во моментот на нападот си ги извршувала своите работни задачи.

Полицијата работи на расчистување на случајот.

Прикажи повеќе...

Црна хроника

Приведени австралиски државјани што влегле во касарна во Петровец, тврдат дека залутале

Објавено пред

2 часа

- 22 август, 2019

Од

Макфакс

Вчера, во кругот на касарната „Страшо Пинџур“ во Петровец, влегле Н. Ц. (35) и Б. А. А. (27), австралиски државјани.

Тие изјавиле дека залутале следејќи ги насоките од ГПС-уредот, а имале намера да одат кон Меѓународниот аеродром „Скопје“.

МВР соопшти дека лицата биле приведени во полициското одделение во Петровец за понатамошна постапка.

Прикажи повеќе...

Црна хроника

Три лица во Прилеп осомничени за насилство, жртвата ја нападнале во кафе-бар

Објавено пред

4 часа

- 22 август, 2019

Од

Макфакс

Основното јавно обвинителство Прилеп донесе наредба за спроведување истражна постапка против три лица поради основано сомневање да сториле кривично дело насилство.

По тој повод, како што информираа од Обвинителството, приведен е 44-годишен прилепчанец, а останатите двајца, на возраст од 23 и 18 години, сè уште се недостапни за органите на прогонот.

„Осомничените, на 19 август, во кафе-бар во Прилеп, во група ја загрозиле сигурноста и извршиле грубо насилство врз едно оштетено лице. Тие без повод и причина физички го нападнале 21-годишникот додека седел во кафе-барот. Потоа, пред кафе-барот продолжиле со нападот, при што оштетениот добил тешка телесна повреда, а во јавноста било предизвикано чувство на несигурност, загрозување и страв. Поради сериозноста на повредите, оштетениот итно е пренесен на понатамошно лекување во Скопје“, велат од Обвинителството.

По предлог од Основното јавно обвинителство Прилеп, судијата на претходна постапка на осомничените им определи мерка притвор во траење од 30 дена, која за двајцата осомничени, кои се недостапни, ќе почне да се пресметува од денот и часот кога ќе бидат лишени од слобода.

Прикажи повеќе...